Nevadiños

Nevadiños

E mesmo semella que foi onte cando estabamos facendo lambonadas de Nadal no blogue, e xa estamos de volta con novas receitas para seguir enchendo os nosos bandullos de felicidade lambereteira. Desta vez, imos cunha receita que pode que non sexa das máis populares na Galiza, mais polos ingredientes que leva, ben pode comezar a selo 🙂 Quen non ten graxa de porco na casa, ou un bo viño branco? Pois pouco máis nos fai falta, xa veredes! O resultado, unhas ‘galletas’ crocantes, manteigosas, e cun punto doce e salgado, que a min, particularmente, encántame! O paso a paso é taaan sinxelo que estou segura de que unha vez que o vexades, non vos poderedes resistir a preparalos. E aínda menos a comelos! Imos aló! Continue reading →

Empanada de mazá / Apple pie

Empanada de mazá

Hai case tantos tipos de torta de mazá como persoas, e a min gústanme todas. Aquí no blogue xa fixemos algunha que outra, como a torta tatin ou a torta de mazá, mais a min faltábame esta receita porque me trae recordos de cando miña nai trae da pastelaría unha empanada de mazá que me gusta moito a pesares de levar canela, que non é algo que adoite gustarme. E o certo é que esta receita saíu das miñas lembranzas, tentando que o resultado final fose o máis semellante a aquela saborosísma empanada. E a verdade é que estou moi satisfeita co resultado e agardo que a probedes e vos guste tanto como a min. Imos aló! Continue reading →

Pementos do piquillo recheos de gambas / Piquillo peppers stuffed with shrimps

Pementos do piquillo recheos de gambas

Gústame moito preparar pementos do piquillo recheos porque resultan unha receita moi socorrida, na que podemos empregar distintos recheos: peixe, carne, verduras… e prepárase nun plis. Ata o de agora, sempre preparara os pementos cun prebe de tomate e pemento (recheos de atún e recheos de cogomelos) mais desta vez, a receita vai algo diferente, e o que faremos será fritilos. O sabor, coma sempre, espectacular, e o recheo, xa sabedes, a gustos! Polo demais, un paso a paso moi doado e rápido, que fará que todos relamban os dedos. Imos aló! Continue reading →

Marmelada caseira de figos / Homemade fig jam

Marmelada caseira de figos

Se tedes a sorte de ter unha figueira na horta, ou coñecer a alguén que a teña, xa saberedes que este ano poderiamos dicir que é ano figueiro, ou polo menos as dúas figueiras que teñen meus pais na horta están a tope de figos. E aínda que devezamos por eles e vaiamos a un bo ritmo para que non se poñan malos, é certamente complicado con tanta cantidade. É por iso que unha das mellores solucións para dar boa conta de tal manxar, é preparar unha saborosa marmelada. O único que cómpre é tempo, o demais, case se fai só. Imos aló! Continue reading →

Bourekas de berenxena / Eggplant bourekas

Bourekas de berenxena

Unha das vantaxes de ter un blogue de cociña é que dás con receitas de orixes moi variadas e que fan que aprendas non só de gastronomía, senón tamén de historia, cultura, costumes e moitas cousas máis. Aínda non recordo moi ben como esta receita chegou a min, só sei que me sorprendeu ter dado cunha receita de orixe sefardí. Disque estas bourekas eran unha das receitas que os sefardís facían de maneira habitual cando residían na península ata que foron expulsados en 1492. Eu fixen unha versión máis rápida e sinxela, empregando masa para empanadiñas, mais tendo tempo e ganas, eu anímovos a facer a masa caseira ou empregar masa follada, que se asemella máis á caseira. O recheo non pode ser máis sinxelo, mais isto non quere dicir que non estea realmente bo e a combinación dos ingredientes non pode dar un mellor resultado. Imos aló! Continue reading →

Biscoito de lima e arandos / Lime and blueberries cake

Biscoito de lima e arandos

Comezo a pensar que son tan seareira dos biscoitos que ao final hei ter que cambiarlle o nome ao blogue 😀 Gústame preparalos porque un dos pequenos praceres dos que máis gozo é almorzar un anaco de biscoito caseiro pola mañán. Aínda que me gustan todas e cada unha das versións de biscoitos que fixen e coñezo, os de froita son de seguro os que máis me enchen o ollo. Fanse máis frescos, máis sabedeiros e ademais, podemos adaptalos ás distintas froitas de tempada e converter unha masa base moi sinxela nun súper biscoito. Desta vez, entre os arandos e a lima teremos un biscoito cun evidente sabor doce, un punto salgado e un intenso sabor cítrico. Non vos enredo máis e imos aló! Xa veredes que marabilla, repetiredes seguro. Continue reading →