Administrar suscripciones

Lembrades as flores de magnolia? Pois isto foi o que fixemos con elas. 🌸 Flor de magnolia encurtida 90 ml de vinagre de arroz 25 gramos de azucre moreno 1 belisco de sal 50 gramos de flores Mesturar, quentar e botar sobre as flores. Pasadas 24 horas pódense comer así, como estean. Ou para acompañar calquera prato. 🌸 Xarope de flor de magnolia 200 ml de auga 200 ml de azucre 50 gramos se flores Ponse xarope a ferver, bótanse as flores e déixanse ferver 20 minutos. Despois infusionan 5 e retíranse as flores. Gárdanse as flores e o xarope para facer receitas doces. Aquí fixemos un biscoito. Axiña a receita! 🌸 #kukinhas #receita #magnolia

Receitas de Pascua!!! Si, kukis, é a época das lambetadas de Pascua. E aínda que nós estamos a tope coas flores e a primavera, non podemos deixar de facer receitas de Pascua. Isto que vedes son Koulourakia! Para todas aquelas persoas que estades subscritas ao blogue, de seguro que xa a recibistes no voso correo! Son unha lambetada típica de Grecia e Chipre. Adoitan facerse pola Pascua e a súa particular forma representa o ciclo da vida. E son moi sinxelas de facer. E se tedes crianzas pola casa, iso de amasar seguro que lles gusta e vos botan unha man! A idea é mesturar ingredientes, deixar repousar, dar forma e enfornar. O resultado? Uns biscoitiños crocantes pór fóra e moi suaves e esponxosos por dentro. Que? Aninádesvos? Aquí a receita! https://kukinhas.com/2026/03/koulourakia/ #koulourakia #kukinhas #receita #engalego #Pascua

Ola Kukis, Por se alguén se anima, aquí vos deixo a receita das carolas de nabo encurtidas. Ingredientes 200 gramos de nabo (2 carolas) 6 + 3 gramos de sal 1 belisco de cúrcuma 30 gramos de azucre 90 ml de auga 60 ml de vinagre de arroz Preparación 1. Pelamos os nabos, cortámolos en láminas e poñemolos cos 6 gramos de sal durante 45 minutos. 2. Pasado o tempo, escorrémolos e lavamos dúas veces. 3. Poñemos a ferver o azucre, a auga, os 3 gramos de sal e a cúrcuma ata que o azucre estea disolto. 4. Poñemos o nabo nun bote que se poida pechar hermético (o meu é de @quinteirodoce ). 5. Mesturamos o líquido que ferveu co vinagre de arroz e botámolo sobre o nabo. 6. Remexemos ben e deixamos mínimo 24 horas na neveira. E xa estaría! Agardo que vos guste e que probedes! Está boísimo e xa vedes que é ben sinxelo de facer! #naboencurtido #danmuji

Cantas cousas fermosas nos dá a nosa terra e que pouco están valoradas!!! As estrugas son fonte dunha chea de cousas boas e, ademais, están taaaan ricas!!! Estas 💚 BOLACHAS DE ESTRUGAS 💚 son espectaculares! E só precisamos ir apañar unhas poucas, poñelas a secar ao sol e moelas. Cando xa temos o po de estrugas, o resto xa vai só. Agradezamos todo aquilo que a natureza nos dá 💚 https://kukinhas.com/2026/03/bolachas-de-estrugas/ E vós? Probastes algunha vez a cociñar con estrugas? Tedes curiosidade por probalas? Eu adoro o seu sabor!!! #kukinhas #estrugas #bolachas #urtigas #nettles

Rosquillas de laranxa!!!!! 🍊 Benvidas e benvidos á época máis lambona do ano!!! E para seguir aumentando a nosa listaxe de lambetadas de Antroido, unha receita de rosquillas de laranxaaaaa 🍊 🍊 🍊 Boísimas e, ademais, receita tradicional!!! As mellores! Receita aquí: https://kukinhas.com/2026/02/rosquillas-de-laranxa/ #Entroido #rosquillas #kukinhas

❤️❤️❤️Corazóns de amorodo e crema de queixo!!! E que viva o AMOR! Receita aquí: https://kukinhas.com/2025/02/corazons-de-amorodo/ #kukinhas #receita #corazons #lambetadas

Que casan os paxariños? Pois festexámolo! Mañá chega o mes do Antroido e o mes do amor. Máis escusa para lamberetear non precisamos! E comezamos con estas bolachas red velvet, que non se diga! Crocantes por fóra, e amorosiñas por dentro, con anacos de chocolate branco, toque de cacao e vainilla, e esa cor vibrante... Non se lles pode pedir moito máis! Ou si! Que son súper sinxelas de facer!!! Aquí a receita: https://kukinhas.com/2026/01/bolachas-red-velvet/ #bolachas #redvelvet #bolachasredvelvet #valentinesday #diadosnamorados❤️

Mantemuertos de chocolate 🥰 Sabías que? Os mantemuertos son unha mestura entre os mantecados e o pan de muerto 💀 Os ósos que poñemos enriba representan os defuntos, e a bóla pequena colocada enriba podería ou ben representar as bágoas choradas polos familiares dos defuntos, ou ben as bágoas da deusa azteca da vida e a morte. A textura da lambetada é ideal para acompañar cun chocolate quente, un te, ou un vaso de leite, pois non é a típica textura de biscoito, moi esponxoso, senón máis tipo pan. https://kukinhas.com/2020/10/mantemuertos-de-chocolate/ #mantemuertos #pandemuerto #diadelosmuertos💀 #Mexico

Samaín xa está aquiiiii!!!! E con el, lambetadaaaaaas arrepiantes, terroríficaaas e súper riquiñas como estas BOLACHAS DE JACK SKELLINGTON!!! Que vos vou dicir? Están de medooo! E fanse nun tris, e son mooooi sinxelas!!! E de seguro que as crianzas vos botan unha man para facelas!!! Que? Xa vos convencín ou teño que mandarvos a proba? 😉 A receita aquí, nas stories, no perfil e seeempre en Kukinhas.com https://kukinhas.com/2025/10/bolachas-de-jack-skellington/ Mando proba?

Cando comeza a asomar o outono, o noso pensamento adoita a levarnos a días de manta, chuvia, sofá e cousas quentiñas. E semella que os nosos niveles de enerxía están máis baixos do habitual. Máis sono, máis cansazo e máis preguiza. Así que ter á man groliños de inverno que fagan que a nosa enerxía mellore considerablemente sempre veñen ben. E non, non son milagreiros nin moito menos. Mais si que é un xeito saudábel e rápido de engadir vitaminas e antioxidantes á nosa rutina diaria. E ademais, están boísimos! Que iso tamén se agradece. E aquí tedes 3 receitas para darlle ao corpo ese chute de enerxía que precisa estes días de cambios de tempo!!! E vós? Tamén andades máis cansos do habitual? Receitas aquí: https://kukinhas.com/2025/09/grolinos-de-inverno/ #groliños #groliñosdeinverno #inmunityshots #shots #kukinhas #receita #engalego #outono

Torta de estrugas apañadas con moito agarimo, e luvas 🤭 con crema de nata e mascarpone. Por riba, leva anacos do propio biscoito, que fan como de musgo. E cunhas framboesas da horta para decorar. Esta torta tamén se pode facer con espinafres, mais as estrugas danlle un sabor incríbel. E a cor? Todo natural, grazas ás estrugas. A receita é moi sinxela, e non se tarda nada en facela. https://kukinhas.com/2022/09/torta-de-estrugas-e-mascarpone/ #kukinhas #engalego #receita #torta #estrugas #urtiga #lambetadas #tortadeestrugas #mascarpone #framboesas

Falamos de bolachas/galletas da infancia e que lambranzas tan doces en todos los sentidos!!! E é que cando comemos lambetadas en familia, con xente coa que nos sentimos ben, iso queda para sempre no noso segundo cerebro, o estómago 🥰 Estas petit ecolier son unha desas que me leva a tempos pasados! E si, sei que para que fiquen tan chulas, hai que ter un molde, mais quen dixo que non se pode facer simplemente unha bolacha e botarlle chocolate por riba, ou xuntar dúas e poñer chocolate de recheo? O importante, ao final, é PARTILLAR! É converter todo o que cociñamos en momentos para lembrar! Aquí vos deixo a receita, por se vos animades! E GRAZAS por espertar lembranzas da nenez que case xa tiña esquecidas cos vosos recordos!!! ❤️ https://kukinhas.com/2025/08/petit-ecolier/ #kukinhas #receita #petitecolier #bolachas #galletas #lambetadas #cociñaengalego #lembranzas