Apfelkiechle

Apfelkiechle ou chulas de mazá

E aquí estamos de novo cunha súper receita desas que me contan para que poña no blogue! (Si, teño xente así de estupenda ao meu carón!) Semella ser que é unha receita típica da Alsacia e que o seu nome é de orixe alemá (por iso de que Alsacia formou parte de Alemaña) Apfelkiechle vén de Apfel que sería mazá e kiechle algo así como filloa. Aquí tamén as facemos e chamámoslles chulas de mazá, ou fritos de mazá, dependendo da zona (e aínda haberá máis nomes que non sei!) O caso é que estas receitas de toda a vida, para min, adoitan ser moi sinxelas, rápidas e cun resultado espectacular. E o mellor de todo é que saben de vicio!!! Imos aló! Continue reading “Apfelkiechle”

Rosquillas fritidas / Fried doughnuts

Rosquillas fritidas

rosquillas

Pensando en receitas galegas para seguir ampliando o receitario, decateime que aínda non tiña a receita das rosquillas. E como iso non podía ser, comezou a miña pesquisa para atopar unha boa receita rosquilleira. O primeiro que fixen foi falar con miña nai e preguntarlle como as facía ela. E grazas a iso descubrín un pequeno grande tesouro que me encheu de ledicia. Garda miña nai un receitario pequeno que miña avoa escribiu hai uns 50 anos. E entre as receitas, esta receita de rosquillas que a continuación vos escribo. Eu fíxena tal e como poñía a miña avoa (e así vola poñerei aquí), sen variar nada e saíron unhas rosquillas boísimas!!! D Continue reading “Rosquillas fritidas / Fried doughnuts”

Torta de millo de Guitiriz / Guitiriz corn cake

Torta de millo de Guitiriz

torta de millo

Levo uns días que non penso máis que en facer biscoitos para o almorzo…de feito, hoxe pola mañán fixen un combinado de tres biscoitos, xD! Esta torta de millo é pura delicia! En Guitiriz fana dentro dunha pota, cun vasiño e unha pedra no medio para que quede co buratiño, como é tradicional. Así, a torta queda moito maís húmida e esponxosa. Como non temos unha infraestructura tan chula coma a de Guitiriz, fixemos un truquiño de outra maneira para que quedara incriblemente saborosa e suave! Para facer a torta, procurade buscar unha fariña milla o maís munda posíbel para que a textura quede perfecta! Imos aló! Continue reading “Torta de millo de Guitiriz / Guitiriz corn cake”

Biscoito de noces / Nuts sponge cake

Biscoito de noces

biscoito de noces

Este biscoito de noces tráeme moitos recordos. Cando era máis pequerrecha e ía á casa da miña avoa, de cando en cando atopábaa á voltas coas noces para facer un biscoito. E que biscoito máis saboroso! A receita é a receita tradicional que sempre se fixo na miña casa, mais engadindo un vasiño de noces de picadas. Desta vez, como tiña máis froitos secos que noces, fixen unha combinación, mais xa sabedes, probade con aqueles froitos secos que tedes pola casa ou que máis vos gusten. Imos aló! Continue reading “Biscoito de noces / Nuts sponge cake”

Ósos de santo

Ósos de santo

ósos de santo

Aínda quedan uns días para o Samaín (31 de outubro) e o Día de Tódolos Santos (1 novembro), mais para ir abrindo boca, que mellor que uns ósos de santo. E así, poñendo a receita con tempo, non tedes desculpa ningunha para non preparala, pois xa podedes ir mercando os ingredientes con tempo 🙂 Esta sobremesa tradicional galega sempre estaba presente nas paparotas de tódolos santos na casa dos meus avós. Este ano, pensando receitas para estes días de festa, acordeime desta receita e preguntei na casa por ela. Así, maxicamente, e escrita nun anaco de papel (adoro as receitas que pasan así duns a outros!) apareceu esta marabillosa receita de ósos de santo. Dende aquí, moitísimas grazas a todas aquelas persoas que fan que as receitas tradicionais galegas teñan cabida neste blogue. Imos aló! Continue reading “Ósos de santo”

Galletas de tona / Cream biscuits

Galletas de tona (receita tradicional)

image1

Encántanme as galletas de tona!!! Todas! Mais desta vez, quixen facer a receita da maneira máis tradicional posible. Para iso, merquei dous litros de leite cru O Alle, e fixen a tona na casa. O proceso é sinxelísimo, e paga tantísimo a pena polo seu incrible sabor, que volo recomendo un montón! O leite cru pódese mercar na Praza de Abastos de Santiago ou en tendas como La Fromaxerí (na rúa de San Pedro) ou en A Cesta da Saúde (en Ramón Cabanillas). Imos aló! Continue reading “Galletas de tona / Cream biscuits”