Ramen de tofu / Tofu Ramen

Ramen de tofu

Quen siga un pouco este blogue tan lambereteiro, saberá de sobra o que desfruto e me gusta a comida oriental! Cando fun a Xapón, xa era moi seareira da súa gastronomía, mais non sabía eu a de pratos que aínda me quedaban (e me quedan) por probar! Un dos que máis me gusta porque creo que é un prato moi completo, ademais de nutritivo e perfecto para o inverno, é o ramen. As súas múltiples versións, fan que case non haxa ninguén no mundo a quen non lle guste, pois xa sexa de verduras, picante, con brotes de soia, con tenreira, porco ou polo, o ramen está sempre moi bo!!! Cando o probei por primeira vez en Xapón foi en Arashiyama e, como este, levaba tofu, así que tiña claro que a primeira vez que ía preparar ramen na casa sería así, con tofu. É unha receita moi sinxela, e por suposto case nada que ver co ramen de Xapón, mais si para quitar o antollo! Eu desfrutei moito facéndoo e é un prato que precisa que o fagamos con moito tempo e moito agarimo, e así sairá estupendo, xa veredes! Imos aló!!! Continue reading

Crema de cabaza e lentellas / Lentils and pumpkin soup

Crema de cabaza e lentellas

Hai mesturas que unha nunca pensaría que quedarían ben. E xa vos adianto que esta é unha delas. O que pasa é que cando es unha lambona, fas que a xente do teu redor sempre estea atenta por se pode coller ideas para o blogue. Así foi como esta idea chegou a min. Falando de receitas de outono-inverno para quentar o corpo, un compañeiro de traballo do meu fotógrafo dixo que el lle botaba lentellas á crema de cabaza. Lentellas??? pensei eu. Siii, lentellas. E ademais, seica lle quedan moi ben. Probaremos, pois! E despois de probar esta crema de cabaza e lentellas, repetirei seguro! Xa vedes que a presentación quedou ben chula. Ao final da receita, xa vos direi como papar esta crema para degustala como é debido! Imos aló! Continue reading

Crema de champiñóns / Mushrooms soup

Crema de champiñóns

crema champis

Con este frío o que máis nos apetece son sopas, cremas, cocido, caldo, filloas…mmm! Ás veces dá gusto que veña o frío 😀 E como da crema de cabaciña, da de cabaciña e mazá e da de cabaciño xa vos puxera a receita, decidín probar cos champiñóns, a ver como resultaba. A textura é diferente, porque queda con máis gromos, pero o sabor é moi agradable, intenso e delicioso. Imos aló! Continue reading

Crema de cabaza e mazá / Pumpkin and apple soup

Crema de cabaza e mazá

Pumpkin and apple soup

Ás veces pasa que cando un vai comer fora, xa non só vai comer, senón que vai investigar que pratos haberá no restaurante e así coller ideas e probar a facer algún deses pratos na casa. Nunha destas ocasións, estando de paparota no CGAC, había de primeiro prato Crema de cabaza e mazá. Pedina e mmm, que boa estaba! E é por iso que hoxe vos traio esta orixinal e ben sabedeira receita. Imos aló! Continue reading