Galletas digestive / Digestive biscuits

Galletas digestive

Na súa orixe, estas galletas escocesas, deron en chamarse digestive, dixestivas, porque había a crenza de que eran boas para facer a dixestión, tendo algo así como un poder anti acidez. Aínda que en realidade non fora así, o nome segue a empregarse e hai quen pensa que estas galletas son máis saudábeis que calquera das outras. O que si é certo é que non levan ovo, a fariña é integral e non levan tanto azucre. O sabor ten un punto entre doce e salgado, unha textura moi crocante e un paso a paso moi sinxelo, agás o momento de amasalas co rolo, que é un chisco complexo. Imos aló! Continue reading “Galletas digestive / Digestive biscuits”

Pementos do piquillo recheos de gambas / Piquillo peppers stuffed with shrimps

Pementos do piquillo recheos de gambas

Gústame moito preparar pementos do piquillo recheos porque resultan unha receita moi socorrida, na que podemos empregar distintos recheos: peixe, carne, verduras… e prepárase nun plis. Ata o de agora, sempre preparara os pementos cun prebe de tomate e pemento (recheos de atún e recheos de cogomelos) mais desta vez, a receita vai algo diferente, e o que faremos será fritilos. O sabor, coma sempre, espectacular, e o recheo, xa sabedes, a gustos! Polo demais, un paso a paso moi doado e rápido, que fará que todos relamban os dedos. Imos aló! Continue reading “Pementos do piquillo recheos de gambas / Piquillo peppers stuffed with shrimps”

Cottage Pie

Cottage Pie

Ata o de agora, cando ía de viaxe, sempre mercaba un marca-páxinas, e a verdade é que xa levo unha chea deles dende que comecei a colección, moitas veces grazas a amigos e familia que tamén me traen cando van de viaxe. Mais hai un tempo que tamén recibo e merco libros de cociña que falen sobre receitas típicas do sitio no que estou. Cando fun a Londres durante a Pascua, dei cun marabilloso libro que, ademais de ter unhas ilustracións moi fermosas, ten unhas receitas típicas inglesas con ingredientes naturais, da horta e da granxa, que son cos que eu máis gozo. O libro chámase: The Great British Farmhouse Cookbook e está escrito por Sarah Mayor. En canto o abrín, souben que a primeira receita que faría sería esta. A Cottage Pie ven sendo un prato moi sinxelo, basicamente carne e patacas, polo que se a materia prima é boa, o resultado ten que ser espectacular. Eu fixen a miña propia versión apta para vexetarianos, mais se sodes máis de carne, xa vos direi como facer a receita orixinal. Continue reading “Cottage Pie”

Rolos de verán / Summer rolls

Rolos de verán

Chega o verán, o bo tempo, a calor, as vacacións e unha certa nugalla a poñerse coas mans na masa, especialmente á hora da cea. Ou iso polo menos é o que adoita pasarme a min. Estes rolos de verán son unha solución perfecta para comer saudábel sen ter romper moito a cachola. Non precisamos de moito tempo, nin de moita cociña, nin sequera temos que prender o lume se non queremos, podemos empregar as verduras ou froitas que máis nos gusten e variar a receita tantas veces como queiramos. E si, son moi sinxelos de facer, que aínda non o puxera, va que non? 🙂 Imos aló! Continue reading “Rolos de verán / Summer rolls”

Poke Bowl

Poke Bowl

De seguro que este nome vos soa de algo. Xa hai un tempo que este prato típico de Hawaii se fixo ben famoso e comezou a aparecer por tódolos vídeos de receitas, blogues e, incluso, restaurantes. A receita tradicional leva atún e non leva arroz, mais nós fixemos a nosa propia versión para facelo un prato máis completo e máis sinxelo. Se xa de por si ten boa pinta, en canto o probedes, enamorarédesvos. É un prato fresco, lixeiro e cheo de sabor! Prepárase moi axiña e o paso máis complicado é cortar os ingredientes! Quen se apunta a preparar este súper prato? Imos aló! Continue reading “Poke Bowl”

Muhammara

Muhammara

O Muhammara é unha especie de pasta para untar tipo hummus típica de Alepo, Siria. Os ingredientes básicos son o pemento, as noces e a granada e resulta unha crema con moito sabor e unha textura moi especial. Esta receita descubrina vendo unha película na que probaban o Muhammara, e de aí chegou a idea de facela para o blogue. Eu, coma sempre, deille o meu toque persoal, que vos explico ao final da receita. Para acompañalo, podemos facelo con pan torrado ou ben con crudités de cenoria e cabaciña. Imos aló! Continue reading “Muhammara”