Hamburguesa Italia / Italy burger

Hamburguesa Italia

Despois do éxito da Hamburguesa Kukinhas, tocaba experimentar con novos ingredientes para conseguir outra hamburguesa ben sabedeira. Para facela, empregamos ingredientes que todos asociamos coa cociña italiana e que casan todos moi ben! Ademais, ao preparar a hamburguesa, empregamos tamén especias cun toque italiano para que cada trabada nos trasladara por completo a Italia. Agardaba que o seu sabor fora incrible, mais o resultado aínda me sorprendeu máis! Con esta súper receita, nunca volveredes tomar unha hamburguesa aburrida cos ingredientes de sempre. E aínda hai máis receitas por vir! Continue reading “Hamburguesa Italia / Italy burger”

Mousse de chocolate con leite / Milk chocolate mousse

Mousse de chocolate con leite

Esta súper receita de mousse de chocolate con leite só leva dous ingredientes! E non, non leva nin ovo, nin fariña, nin azucre engadido. De feito, eu que estaba algo lambona o día que a fixen, empreguei chocolate con leite, mais se queredes, podedes facela perfectamente con chocolate negro sen azucre e aínda será máis saudábel. A textura xa vedes que é hiper esponxosa e cremosa, cun sabor intenso e unha sensación no padal como se lle deramos unha trabada a un anaquiño de nube. Ademais, é unha receita apta para veganos, ou intolerantes ao ovo ou á fariña. Tampouco leva aceites nin manteigas. Vaia, que é a receita de mousse perfecta e si, só dous ingredientes. E un xa o sabedes, cal pode ser o outro? Non agardes máis para sabelo! Continue reading “Mousse de chocolate con leite / Milk chocolate mousse”

Queixadiñas / Quesadillas

Queixadiñas

Non é por nada, mais encántame o nome de Queixadiñas! Sona ben riquiño, non si? As queixadiñas non deixan de ser unha tortilla de trigo rechea de queixo torrada nunha grella para que o queixo quede ben derretido e cremoseiro. Aínda que o ingrediente principal é o queixo, sempre se lle pode dar algunha que outra alegría para darlle máis sabor e facelas máis larpeiras 😉 Déixovos dúas opcións que a min me gustan moito, unha máis típica e outra máis ‘mallorquina’ hihihi. Imos aló! Continue reading “Queixadiñas / Quesadillas”

Peitugas recheas / Chicken breast stuffed

Peitugas recheas

peitugas recheas

O máis complicado desta receita de peitugas recheas é abrir as peitugas, mais non vos compliquedes moito con esta parte, podedes pedilo na carnizaría ou ir pouco a pouco abríndoas co coitelo. Non importa se non quedan perfectas, as miñas tampouco quedaron e non abriron nin me fixo falta poñerlles escarvadentes nin fíos. Para facelas, pódense facer ou ben no forno ou ben fritidas na tixola. Eu fritinas e quedaron estupendas, sen aceite de máis, moi zumarentas e fixéronse moito máis rápido que no forno. Para o recheo, empregamos o máis típico, xamón e queixo, cun acompañamento de prebe de trompetas da morte. E estaba todo rico rico! Imos aló! Continue reading “Peitugas recheas / Chicken breast stuffed”

Flan cremoso / Smooth creme caramel

Flan cremoso

flan

O certo é que hai unha infinidade de receitas de flan e admite unha chea de sabores que fan que cada un de nós teñamos o noso favorito. Despois de facer o máis clásico, de queixo, de castañas, ou de cabaza, tocaba unha receita que tamén é moi popular, un tipo de flan máis cremoso, cunha textura agarimosa e un sabor suave, mais moi saboroso. Ide con moito ollo, que é moi aditivo! 😀 En só 10 minutiños, deuse boa conta del, e iso que non é pequeno, así que con iso xa vos digo todo. Imos aló! Continue reading “Flan cremoso / Smooth creme caramel”

Mini cheesecakes

Mini tortas de queixo

mini cheesecakes

Encántame o queixo en tódalas súas variedades, e non hai máis que botarlle un ollo ao índice de receitas para ver que xa hai unhas cantas de torta de queixo. Desta vez, a estas mini cheesecakes non lle fixen base de galletas, para tomar como tomamos unha magdalena ou un pastel de Belem. Podemos acompañalas do que queiramos, eu aproveitei a marmelada de amorodos e kiwis, mais con nutella, chocolate, doce de leite ou froita estará igual de saborosa. Ou así, sen nada! 😉 Imos aló! Continue reading “Mini cheesecakes”