Queixadiñas / Quesadillas

Queixadiñas

Non é por nada, mais encántame o nome de Queixadiñas! Sona ben riquiño, non si? As queixadiñas non deixan de ser unha tortilla de trigo rechea de queixo torrada nunha grella para que o queixo quede ben derretido e cremoseiro. Aínda que o ingrediente principal é o queixo, sempre se lle pode dar algunha que outra alegría para darlle máis sabor e facelas máis larpeiras 😉 Déixovos dúas opcións que a min me gustan moito, unha máis típica e outra máis ‘mallorquina’ hihihi. Imos aló! Continue reading

Croque Monsieur & Croque Madame

Croque Monsieur & Croque Madame

croque madame

O croque monsieur e o croque madame son dous dos sanduíches máis saborosos, divertidos, orixinais e cremosos do mundo mundial! Este invento francés fai que o sanduíche mixto de toda a vida pase a ser un auténtico prato gourmet 🙂 E para facelo, só precisamos unha boa bechamel, moito queixo e un toque de forno. A única diferenza entre o monsieur e o madame é que o madame leva ovo, e despois de probalo, quédome definitivamente con este último. Os dous están de vicio, máis o ovo fritido fai que aínda estea maís bo. imos aló! Continue reading

Albóndegas recheas / Stuffed meatballs

Albóndegas recheas

albóndegas

Xa había tempo que rondaba pola miña cachola a idea de facer albóndegas caseiras. É ben certo que nunca foron santo da miña devoción, de feito, cando era pequecha, miña nai sempre facía para min hamburguesas e non albóndegas, é dicir, dáballe forma de hamburguesa á mesma carne picada, rebozábaa e fritíia coma se fose unha hamburguesa. E así, a pequena Kukinhas comíaas de marabilla. Xa podedes deducir que era un chisco tiquismiquis con estas cousas porque a carne era a mesmiña. Tamén debo confesar que sigo preferindo as hamburguesas ás albóndegas, mais funme reconciliando con elas e agora xa me gustan algo máis 😉 Desta vez, para darlle un toque diferente, as albóndegas van recheas de queixo e con alfábega. Polo demáis, o de sempre, un prato sinxelo, rápido e si, saborosísimo!!! Imos aló! Continue reading

Pementos de Padrón recheos / Stuffed Padron peppers

Pementos de Padrón recheos

image1

Pementos de Padrón??? Recheos??? Co pequenos que son??? Siiii!!! E están boísimos! De verdade! Non dan moito choio, non vos asustedes, nin escollendo os pementos máis grandes, nin nada. Só hai que ir cun pouco de tino e xa está! Ademais, para evitar que o queixo se nos escape, farémoslle un dobre empanado para que quede perfecto 😀 Animádevos porque vos han gustar seguro. Os pementos de Herbón sempre están bos, e se lles poñemos algún queixo galego, que vos vou contar, esta combinación ten que estar boa á forza. Imos aló! Continue reading

Hamburguesas recheas de queixo / Cheese stuffed burgers

Hamburguesas de tenreira recheas de queixo

cheese burgers

Despois de dúas receitas de hamburguesas vexetais, xa ía tocando unha receita de hamburguesa de carne.E para darlle un toque diferente, van recheas de queixo. A receita é ben doada, e o resultado é saborosísimo! E a pinta…vaia, xa se ve na foto, non? 😀 Eu acompañeina de cebola, leituga de folla de carballo e rúcula. Imos aló! Continue reading