Parmentier de queixo San Simón con navallas / San Simon cheese Parmentier with razon shells

Parmentier de queixo, navallas ao allo e tellas de San Simón

Hai uns días chegoume un correo electrónico dunha páxina chamada Terra de preguntas na que me ofrecían enviarme uns produtos para que eu os probara e fixera con eles unha receita. Na súa tenda online hai diferentes produtos galegos e todo se fai cun especial agarimo, traballando con pequenos produtores e garantindo unha calidade excelente. Xa había tempo que tiña gana de facer un parmentier, é desas cousas que sempre que as vexo nalgún restaurante, aí vou dereitiña e pido ese prato, así que xa iba sendo hora de poder degustalo na casa. E que mellor que un queixo San Simón co seu sabor afumado para conseguir un parmentier cremoso cun sabor intenso. E para acompañalo, unhas navallas en conserva ao natural, que fritiremos cun chisco de allo e perexil para potenciar aínda máis o seu sabor. Ademais, co queixo, faremos tamén unhas tellas crocantes que son moi sinxelas, campan moi ben e saben aínda mellor. Imos aló! Continue reading “Parmentier de queixo San Simón con navallas / San Simon cheese Parmentier with razon shells”

As 10 receitas máis vistas de 2017 / The top 10 recipes of 2017

As receitas máis vistas do 2017

Aquí estamos de novo en plenas festas de Nadal para seguir falando de lambonadas e como a este ano 2017 xa lle vai quedando pouco, facemos balance das receitas máis vistas para que as teñades todas xuntiñas. A verdade é que me alegra saber que vos gustan receitas de moitos tipos, sabores e con ingredientes moi diferentes, iso quere dicir que como galegas e galegos que somos, somos ben lambonas e lambóns, non si? Se aínda non vos animastes a preparar ningunha receita do blogue, botádelle un ollo a estas más vistas do 2017, que por algo están nesta listaxe! Comezamos coa receita que queda na posición número 10 Continue reading “As 10 receitas máis vistas de 2017 / The top 10 recipes of 2017”

Torta de cabaza e cabaciña / Pumpkin zucchini cake

Torta de cabaza e cabaciña

Se hai algo que me encanta é facer lambonadas con produtos da horta! Siii!!! 😀 E se xuntamos iso coas miñas ganas de experimentar, aínda resulta máis divertido! Aínda tiña pola casa unha cabaza do ano pasado e varias cabaciñas da colleita deste ano, así que pensei en facer unha torta con estes ingredientes. Xa probara a facer unha con cabaciña e o resultado foi espectacular, así que que podía saír mal? Pois todo! Xa sabedes que ás veces estes experimentos non saen como deberían, mais desta vez, todo foi estupendo! A torta ten un sabor e unha textura para relamber os dedos, e así con esas capas e o recheo de queixo…mmm…incrible!!! É unha das tortas máis sabedeiras que fixen nunca! Así que animádevos a divertirvos na cociña e xa veredes como o resultado fará que cada segundo empregado pague a pena! Imos aló! Continue reading “Torta de cabaza e cabaciña / Pumpkin zucchini cake”

Torta de queixo con arandos / Blueberry cheesecake

Torta de queixo con arandos

Hai uns días recibín un agasallo do Pazo de Vilane, no que me convidaban a probar as súas marmeladas caseiras. E que boas están!!! Tanto ten cantas marmeladas probastes ata o de agora, o seu sabor é tan natural e tan saboroso, que pasarán a ser as vosas favoritas decontado. De momento xa levo probadas dúas, a de arandos, que empreguei nesta receita, e a de framboesas, que xa probei noutra receita que vos ensinarei proximamente. Tamén teñen unha de tomate ecolóxico, que tamén empregarei nunha receita, por suposto! Invítovos a probalas sen perder máis tempo, en cada trabada nótase a calidade do produto e o agarimo co que as fan. Ademais, non son moi doces e o sabor da froita é o que destaca. Para empregar esta marabilla de marmelada de arandos, tiña claro dende o comezo que sería cunha torta de queixo. É unha das mellores combinacións do mundo mundial! Imos aló!!! Continue reading “Torta de queixo con arandos / Blueberry cheesecake”

Poutine

Poutine

Recordades o fermoso libro de receitas do Quebec que me trouxeron de agasallo? Pois xa ía tocando outra receita, non si? A esta receita de poutine xa lle botara o ollo en canto abrín o libro por primeira vez, máis que nada polo sinxela e lambona que é. E quen non ten pola casa patacas para fritir e queixo? Moito máis non precisamos, xa veredes. E o sabor é incrible…ese queixiño desfeito…cremoso…sobre as pataquiñas…ai! Que pracer!!! Imos aló! Continue reading “Poutine”

Queixadiñas / Quesadillas

Queixadiñas

Non é por nada, mais encántame o nome de Queixadiñas! Sona ben riquiño, non si? As queixadiñas non deixan de ser unha tortilla de trigo rechea de queixo torrada nunha grella para que o queixo quede ben derretido e cremoseiro. Aínda que o ingrediente principal é o queixo, sempre se lle pode dar algunha que outra alegría para darlle máis sabor e facelas máis larpeiras 😉 Déixovos dúas opcións que a min me gustan moito, unha máis típica e outra máis ‘mallorquina’ hihihi. Imos aló! Continue reading “Queixadiñas / Quesadillas”