Cottage Pie

Cottage Pie

Ata o de agora, cando ía de viaxe, sempre mercaba un marca-páxinas, e a verdade é que xa levo unha chea deles dende que comecei a colección, moitas veces grazas a amigos e familia que tamén me traen cando van de viaxe. Mais hai un tempo que tamén recibo e merco libros de cociña que falen sobre receitas típicas do sitio no que estou. Cando fun a Londres durante a Pascua, dei cun marabilloso libro que, ademais de ter unhas ilustracións moi fermosas, ten unhas receitas típicas inglesas con ingredientes naturais, da horta e da granxa, que son cos que eu máis gozo. O libro chámase: The Great British Farmhouse Cookbook e está escrito por Sarah Mayor. En canto o abrín, souben que a primeira receita que faría sería esta. A Cottage Pie ven sendo un prato moi sinxelo, basicamente carne e patacas, polo que se a materia prima é boa, o resultado ten que ser espectacular. Eu fixen a miña propia versión apta para vexetarianos, mais se sodes máis de carne, xa vos direi como facer a receita orixinal. Continue reading “Cottage Pie”

Parmentier de queixo San Simón con navallas / San Simon cheese Parmentier with razon shells

Parmentier de queixo, navallas ao allo e tellas de San Simón

Hai uns días chegoume un correo electrónico dunha páxina chamada Terra de preguntas na que me ofrecían enviarme uns produtos para que eu os probara e fixera con eles unha receita. Na súa tenda online hai diferentes produtos galegos e todo se fai cun especial agarimo, traballando con pequenos produtores e garantindo unha calidade excelente. Xa había tempo que tiña gana de facer un parmentier, é desas cousas que sempre que as vexo nalgún restaurante, aí vou dereitiña e pido ese prato, así que xa iba sendo hora de poder degustalo na casa. E que mellor que un queixo San Simón co seu sabor afumado para conseguir un parmentier cremoso cun sabor intenso. E para acompañalo, unhas navallas en conserva ao natural, que fritiremos cun chisco de allo e perexil para potenciar aínda máis o seu sabor. Ademais, co queixo, faremos tamén unhas tellas crocantes que son moi sinxelas, campan moi ben e saben aínda mellor. Imos aló! Continue reading “Parmentier de queixo San Simón con navallas / San Simon cheese Parmentier with razon shells”

Terceira Etapa / Third Stage: Zubiri

Terceira Etapa: Zubiri

Despois de probar os sabedeiros perretxikos en Roncesvalles, seguimos o noso particular camiño prato a prato por terras de Navarra e paramos en Zubiri. Nesta pequena localidade a só 20 quilómetros de Iruña, teñen boa fama os embutidos e, especialmente, a txistorra, que se vende nas tendas máis sibaritas da capital. Para preparar a txistorra de Zubiri, precísase pouca cousa, un chisco de aceite, fritila a lume non moi alto para que non se chasque e un anaco de pan. Iso si, habendo ingredientes e fame, o mellor é preparar un dos pratos máis populares: OVOS ROTOS CON TXISTORRA E PATACAS. Se por separado, xa están de vicio, estes ingredientes todos xuntos fan que este sexa un dos pratos máis lambóns e saborosos que se poden facer! E se pode ser con patacas do país e ovos da casa, xa resultará o prato perfecto. Imos aló! Continue reading “Terceira Etapa / Third Stage: Zubiri”

Poutine

Poutine

Recordades o fermoso libro de receitas do Quebec que me trouxeron de agasallo? Pois xa ía tocando outra receita, non si? A esta receita de poutine xa lle botara o ollo en canto abrín o libro por primeira vez, máis que nada polo sinxela e lambona que é. E quen non ten pola casa patacas para fritir e queixo? Moito máis non precisamos, xa veredes. E o sabor é incrible…ese queixiño desfeito…cremoso…sobre as pataquiñas…ai! Que pracer!!! Imos aló! Continue reading “Poutine”

Fish & Chips

Fish & Chips

Fish & Chips

E aquí estamos de novo cunha receita típica británica e que todos asociamos coa gastronomía do Reino Unido. O Fish & Chips é un prato moi sinxelo e que campa moi ben. Eu a primeira vez que o vin (e probei!) foi en Escocia e estábano vendendo nunha furgoneta xunto con hamburguesas con patacas. E a segunda foi en Londres nun típico pub inglés. En canto o probas, entra a curiosidade sobre cal será o ingrediente segredo ou o truquiño para que quede un rebozado tan crocante por fóra, brandiño por dentro e que faga que o peixe quede tan suave e cheo de sabor. Pois hoxe, descubrirédelo! Iso si, este Fish & Chips leva un toque galego que lle dá moi bo sabor e moita personalidade 😉 Imos aló! Continue reading “Fish & Chips”

Irish Boxty

Irish Boxty

boxty

Adoro a cociña de Irlanda. Supoño que é porque adoro esa conexión celta que fai que moitos pratos teñan un sabor similar. Aínda que estas tortiñas irlandesas se papan agora en calquera ocasión, o típico era comelas na época do Samaín, e é por iso que tocaba preparalas. Non sabía moi ben como sería o sabor, porque eu sonvos moito de probar así ao tolo, sen saber como saberán os pratos. Iso si, en canto lle dei a primeira trabada…mimadriña!!! Non imaxinaba que estiveran tan boas! Que sabor, que textura! Puro vicio!!! Creo que me sería imposible dicir os ingredientes que leva polo sabor que ten despois! A min recordoume ás filloas, mais isto xa é cuestión de opinións. Non vos enredo máis e imos ao choio! Imos aló! Continue reading “Irish Boxty”