Pasta ao vermú / Vermouth & pasta

Pasta ao vermú

Hai receitas que chegan a un de casualidade e resultan ser todo un acerto. Sabendo de onde viña, non tiña dúbida algunha en que estaría boa, mais o resultado sorprendeume aínda máis. A receita é de “El Comidista” e déixovos aquí a ligazón orixinal para que lle botedes un ollo. Eu só a fixen para dous e cos ingredientes que tiña, máis todo o mérito é del 🙂 Gustoume moito esta receita porque para preparala precisamos ingredientes típicos do outono, polo que nesta época están todos no seu mellor momento. Que nunca probastes a botarlle vermú á pasta? Veredes que sabor! Imos aló! Continue reading “Pasta ao vermú / Vermouth & pasta”

Macarróns gratinados / Macaroni au gratin

Macarróns gratinados

Hai días nos que apetecen macarróns, ou polo menos iso me pasa a min. Recoñezo que son bastante de antollos con isto da comida e hai pouco andaba eu pola rúa e veu un aroma a macarróns gratinados que… bufff, non me puiden resistir a preparalos na casa! É unha receita sinxela que a maioría de nós xa preparamos algunha que outra vez, sobre todo, se temos cativada pola casa. De cando en cando xa toca facer algún prato que non é tan saudábel, mais que si nos trae recordos de cando eramos pequenos e nos facían estes pratos tan divertidos e saborosos 😉 Imos aló! Continue reading “Macarróns gratinados / Macaroni au gratin”

Lasaña vexetariana / Vegetarian lasagna

Lasaña vexetariana

lasaña

Hai uns anos probamos nun restaurante vexetariano unha lasaña que estaba de vicio. Por suposto non levaba carne, mais non soubemos moi ben que era o que levaba, o que si, é que semellaba carne talmente. Despois dun tempo, descubrimos que tal ingrediente era a soia texturizada, un alimento baixo en graxas, rico en proteínas e cun sabor suave e moi agradábel. Dá ben o pego e, se non cho din, probablemente penses que é carne, polo que podedes aproveitar para facerllo a alguén a ver se é quen de adivinar de que está feita a lasaña. Polo demais, os ingredientes de sempre para facer unha boa lasaña rica rica. Para aquelas persoas que sexan veganas, para facer a bechamel, empregaremos aceite de oliva e leite vexetal; e para botar por riba, ou ben queixo vegano ou ben améndoa picada, que lle queda de luxo. Imos aló! Continue reading “Lasaña vexetariana / Vegetarian lasagna”

Mollo pesto con pistachos / Pesto sauce with pistachios

Mollo pesto con pistachos

pesto con pistachos

Unha das razóns polas que sempre quixen ter na casa unha alfábega é porque tiña moitas ganas de facer pesto caseiro coa miña propia pranta. Despois de varios intentos (semella que isto de ter prantas non é o meu punto forte), por fin conseguín unha fermosa pranta de albábega coas súas follas gordechas, cun verde intenso e un arrecendo incrible. Polo que xa iba sendo hora de preparar un mollo pesto para tomar coa pasta. A receita orixinal é con piñóns, mais tendo en conta que o seu prezo é un chisco elevado e que ademais devezo polos pistachos, decidín facer esta versión máis verde, saborosa e orixinal, que vos parece? Como a pranta aínda é algo pequecha, só lle saquei 10 follas de alfábega, para non deixala sen folla ningunha, polo que a cantidade de follas pode variar segundo as follas de alfábega que teñades. De todas maneiras, recordade que o sabor que aportan é intenso, ide probando pouco a pouco ata que teñades o sabor que máis vos guste. Con 10 follas está de vicio! Imos aló!!! Continue reading “Mollo pesto con pistachos / Pesto sauce with pistachios”

Espagueti con ameixas / Spaghetti with clams

Espagueti con ameixas

spaghetti clams

O certo é que, botando unha ollada polo blogue, poucas son as receitas que teño con marisco, creo que a empanada de millo de berberechos e pouco máis. Supoño que é porque o marisco é tan saboroso que poucas voltas hai que darlle para que estea de vicio! A min as ameixas e os berberechos gústanme de calquera maneira, ata sen conciñar! E así, con este prebe tan saboroso e acompañado dos sempre bos espaguetis, farán que este prato se converta nun dos vosos preferidos. Imos aló! Continue reading “Espagueti con ameixas / Spaghetti with clams”

Plumas con prebe de queixo azul e noces / Penne pasta with blue cheese sauce and walnuts

Plumas con prebe de queixo azul e noces

image

Botando un ollo hai uns días pola tenda de comida de Ikea, déronnos na vista uns queixos (como non) que tiñan moi boa pinta, así que, como supoñedes, acabaron na casa! Un deles é un queixo azul ecolóxico con moi boa pinta, e mellor sabor. E aí veu a idea de usalo para facer esta receita. Asi que… Imos aló! Continue reading “Plumas con prebe de queixo azul e noces / Penne pasta with blue cheese sauce and walnuts”