Nevadiños

Nevadiños

E mesmo semella que foi onte cando estabamos facendo lambonadas de Nadal no blogue, e xa estamos de volta con novas receitas para seguir enchendo os nosos bandullos de felicidade lambereteira. Desta vez, imos cunha receita que pode que non sexa das máis populares na Galiza, mais polos ingredientes que leva, ben pode comezar a selo 🙂 Quen non ten graxa de porco na casa, ou un bo viño branco? Pois pouco máis nos fai falta, xa veredes! O resultado, unhas ‘galletas’ crocantes, manteigosas, e cun punto doce e salgado, que a min, particularmente, encántame! O paso a paso é taaan sinxelo que estou segura de que unha vez que o vexades, non vos poderedes resistir a preparalos. E aínda menos a comelos! Imos aló! Continue reading

Galletas de chocolate engurradas / Chocolate Crinkle Cookies

Galletas de chocolate engurradas

Hai lambetadas que están moi boas, aínda que non teñan moi boa pinta, e despois están estas galletas de chocolate engurradas, que son ben feitiñas e ademais están boísimas! O meu coas galletas é puro vicio, parécenme unha das mellores larpeiradas do mundo! Podemos levalas no peto para cando temos un antollo de algo doce ou facer un agasallo doce. Ademais, a cativada poderá botarnos unha man, que iso sempre está ben e de seguro que o pasan de marabilla! Imos aló! Continue reading

Joulutorttu

Joulutorttu

Despois de irmos cara Alemaña coas galletas Spritzgebäck, e a Italia para facermos o Panettone, volvemos cara o norte para preparar os Joulutorttu. Estas pequenas lambonadas con forma de muíño son típicas de Finlandia e prepáranse polo Nadal, de aí o nome, torta de Nadal. A receita é moi sinxela e, ademais, podemos facer uns truquiños para que sexa aínda máis rápida. A marmelada tradicional dos joulutorttu é a marmelada de ameixo morado. Unha mágoa que este ano non fixera marmelada caseira con tódolos ameixos que había na leira 🙂 Polo que se vos pasa coma min, non vos gusta, ou tendes algunha marmelada caseira doutro sabor, podedes empregala perfectamente, pois os joulutorttu saberán de vicio igualmente. Continue reading

Panettone

Panettone

Non se pode negar que dun tempo a esta parte xa sabemos que queda pouco para o Nadal porque aparecen nas tendas os turróns e os Panettones. Chegado dende Italia, decontado pegou forte e se converteu nunha sobremesa recorrente polo Nadal nos nosos fogares. Había tempo que lle daba voltas á idea de facer un Panettone caseiro, mais nesta ocasión non podía tirar de receita familiar, pois, evidentemente, ninguén da familia o fixera antes na casa. Iso si, para comelo apúntase calquera, especialmente se é de chocolate. Cando merquei os moldes para facelo, decateime de que na mesma páxina había un vídeo cunha receita, así que decidín poñerme coas mans na masa e facer a miña versión con chocolate. Que iso das froitas está moi ben, mais onde se poña una Panettone con anacos de chocolate…que se quiten todos os de froita do medio! E aquí vai a receita, déixovos tamén o vídeos orixinal por se lle queredes botar un ollo. Imos aló! Continue reading

Galletas alemás de Nadal – Spritzgebäck – Christmas German cookies

Galletas alemás de Nadal – Spritzgebäck

Non sei por que razón, mais este ano semella que o Nadal quere vir antes de tempo, ou iso, ou que teño gana xa de vacacións e de pasar tempo coa familia 🙂 O caso é que sexa como for, aquí está a primeira receita de Nadal. Na busca de lambonadas típicas de Nadal polo mundo, dei con estas galletas típicas de Alemaña que se fan especialmente polo Nadal. Que co boas que están e o feitiñas que son non é preciso agardar a Nadal para facelas, mais se o que precisades é unha desculpa…o Nadal ten a culpa! 😉 Ademais, en canto vexades a listaxe de ingredientes e o sinxelo que é preparalas, xa vos vexo coas mans na masa! Imos aló! Continue reading