Flores de cabaciña con bechamel de champiñóns / Zucchini flowers with mushrooms bechamel

Flores de cabaciña con bechamel de champiñóns

Se nunca volo dixen, xa tardaba, mais un dos grandes praceres da vida para min é ir á horta e observar. Si, xa sei que tamén hai que traballar, que tamén, mais gústame moito dar un paseo arredor dos produtos e pensar algunha receita que facer con eles segundo os estou vendo. Non me dá xeito collelos, traelos para a casa, e despois pensar, máis que nada porque moitas veces, acaban pola cociña sen saber moi ben que facer con eles. Gústame observalos no seu estado natural e deixarme inspirar polas súas formas e cores. E onte, estando na horta, vin o fermosas que estaban as flores das cabaciñas e tíveno claro, algo tiña que facer con elas. É moi importante que cando as collades, a cabaciña xa teña un tamaño xeitoso, e así non impediremos o seu crecemento aínda que lle roubemos a flor. Da outra vez, fíxenas con xamón e queixo, mais tiña gana de facelas con algo máis cremoso para contrastar coa textura crocante que lles queda ao fritilas. Así, as puntas quedan moi crocantes e segundo imos mordendo, vanse volvendo moi cremosas e aínda máis sabedeiras. Para min é un pracer cociñar con estes produtos, e é unha das actividades que maior satisfacción me dan. E sen máis historias, imos aló! Continue reading “Flores de cabaciña con bechamel de champiñóns / Zucchini flowers with mushrooms bechamel”

Quinta Etapa / Fifth Stage: Gares / Puente la Reina

Quinta Etapa: Gares / Puente la Reina

Despois de pasar pola capital e degustar eses marabillosos txantxigorris, chegamos a Gares, tamén coñecida como Puente la Reina. Nesta localidade, celebran cada ano entre os meses de setembro a decembro o Mercado do Pemento. Neste mercado, podemos ver non só diferentes variedades de pementos, senón tamén outros tantos produtos típicos desta zona, como son as fabas, patacas ou melóns. Iso si, se hai un pemento que asociamos a Nafarroa, ese é o pemento do piquillo, non si? Hai que dicir que o pemento que ten a denominación de orixe protexida é o de Lodosa. A forma deste pemento é triangular e acostuma a venderse enlatado e previamente cociñado, listo para degustar! Unha vez asado, a maneira máis popular de comelo é recheo. E como a min me gustan tanto os cogomelos, pois tíveno claro dende o principio! PEMENTOS DO PIQUILLO RECHEOS DE COGOMELOS. É unha receita moi saudábel, que alimenta moito e ben e que, ademais, faise moi rápida e campa que non vexas. Teno todo, vaia! E estes pementos teñen un sabor espectacular! Imos aló! Continue reading “Quinta Etapa / Fifth Stage: Gares / Puente la Reina”

Pasta ao vermú / Vermouth & pasta

Pasta ao vermú

Hai receitas que chegan a un de casualidade e resultan ser todo un acerto. Sabendo de onde viña, non tiña dúbida algunha en que estaría boa, mais o resultado sorprendeume aínda máis. A receita é de “El Comidista” e déixovos aquí a ligazón orixinal para que lle botedes un ollo. Eu só a fixen para dous e cos ingredientes que tiña, máis todo o mérito é del 🙂 Gustoume moito esta receita porque para preparala precisamos ingredientes típicos do outono, polo que nesta época están todos no seu mellor momento. Que nunca probastes a botarlle vermú á pasta? Veredes que sabor! Imos aló! Continue reading “Pasta ao vermú / Vermouth & pasta”

Solombiños estilo Quebec / Quebec-style tenderloin

Solombiños estilo Quebec

solombiños

Como xa vos ensinei a moitos de vós polas redes sociais, tiven a sorte de recibir como agasallo un libro precioso de receitas do Quebec. Cheo de ilustracións, imaxes fermosas do Quebec, e, ademais, en francés! En canto lle botei un ollo ás receitas, xa houbo unha que me namorou e que sabía que sería das primeiras en aparecer no blogue. E aquí está. Aínda que a receita orixinal era con porco bravo, podedes empregar, como fixen eu, calquera outra carne tenriña que teñades a man. Para min, solombo, raxo ou redondo quedarían perfectos con este prebe. Nótase na gastronomía do Quebes a marabillosa influencia da cociña francesa. Un pracer para tódolos sentidos. Imos aló! Continue reading “Solombiños estilo Quebec / Quebec-style tenderloin”

Champiñóns recheos / Stuffed mushrooms

Champiñóns recheos

champiñóns

Hai receitas que quedan ben, saben ben, son sinxelas, rápidas e, por se fora pouco, saudábeis. E estes champiñóns recheos son unha delas. Ademais, son o petisco perfecto para cando temos convidados, cómense dunha trabada e, ao facerse ao forno, sempre están quentiños e no seu punto. Os recheos poden variar moito, mais desta vez quixen facer unha versión con verduriñas, mozzarella relada e xamón serrano, que sempre casa moi ben cos champiñóns. O xamón serrano farémolo ao forno para que quede ben crocante e moi sabedeiro, xa veredes. Imos aló! Continue reading “Champiñóns recheos / Stuffed mushrooms”

Croquetas de cogomelos / Mushrooms croquettes

Croquetas de cogomelos

croquetas

Encántanme as croquetas!!! Ben, xa dixen tantos pratos que me gustan, que case remataba antes dicindo o que non me gusta 😉 O caso é que unha das miñas favoritas son as de cogomelos, o seu sabor é moi intenso e a súa cor inconfundible. Ademais, podedes empregar os vosos cogomelos preferidos. Imos aló! Continue reading “Croquetas de cogomelos / Mushrooms croquettes”