As 10 receitas máis vistas de 2017 / The top 10 recipes of 2017

As receitas máis vistas do 2017

Aquí estamos de novo en plenas festas de Nadal para seguir falando de lambonadas e como a este ano 2017 xa lle vai quedando pouco, facemos balance das receitas máis vistas para que as teñades todas xuntiñas. A verdade é que me alegra saber que vos gustan receitas de moitos tipos, sabores e con ingredientes moi diferentes, iso quere dicir que como galegas e galegos que somos, somos ben lambonas e lambóns, non si? Se aínda non vos animastes a preparar ningunha receita do blogue, botádelle un ollo a estas más vistas do 2017, que por algo están nesta listaxe! Comezamos coa receita que queda na posición número 10 Continue reading “As 10 receitas máis vistas de 2017 / The top 10 recipes of 2017”

Magdalenas XXL / XXL muffins

Magdalenas XXL

Xa había tempo que non tocaba unha receita de magdalenas, non si? A min é unha lambonada que me gusta moito! Son xeitosas para poder levalas ao traballo, ao recreo, para merendar, para almorzar, de sobremesa…e se son caseiras coma estas, sempre moito mellor! Non sei se a vós vos pasou algunha vez, mais a min seeempre me pasaba. Cando ía a algunha cafetería, pastelaría, e pedía unha magdalena, pensaba: e por que a min non me sairá así de gordiñas e altas? Primeiro comecei por mercar uns moldes iguais, e despois a facer probas, probas e probas ata dar coa receita definitiva! E aquí está!!! Coma sempre, pódense variar ingredientes para darlles distintos sabores, ou recheos. Imos aló! Continue reading “Magdalenas XXL / XXL muffins”

Madalenas de choco branco con arandos / Blueberries and white choc muffins

Madalenas de chocolate branco con arandos

madalenas de arandos

Si, xa me deu polas madalenas! E é que non hai mellor cousa que erguerse pola mañá e meterse no corpo unhas madalenas caseiras. Como xa vos dixen na anterior receita, tiña moita gana de probar a facer madalenas de arandos, mais, coma sempre, acabei engadíndolle un dos meus ingredientes larpeiros favoritos, o chocolate branco. O paso a paso súper sinxelo e o sabor incrible! Fagamos os nosos almorzos moito máis divertidos con estas madalenas! Ademais, non sabedes o ben que se pasa picando os arandos que non abren no forno!!! 😀 Imos aló! Continue reading “Madalenas de choco branco con arandos / Blueberries and white choc muffins”

Magdalenas de cereixa / Cherry muffins

Magdalenas de cereixa

madalenas de cereixa

Con isto da repostaría moderna, ás veces mesmo esquecemos esas lambonadas de sempre que nos sentan de marabilla e que con ingredientes ben sinxelos, saben de medo. Adoro as magdalenas, son moi feitiñas e ademais pódense facer de milleiros de sabores, con froitas, con chocolate, de froitos secos…ás magdalenas todo lles presta! E a nós préstanos moito papalas, non si? A idea inicial era facelas con arandos, mais vendo que xa comezan a asomar as primeiras cereixas, pensei que sempre é moito mellor empregar produtos de tempada, e o certo é que o resultado non pode ser mellor. Imos aló! Continue reading “Magdalenas de cereixa / Cherry muffins”

Madalenas de Ferrero Rocher / Ferrero Rocher muffins

Magdalenas de Ferrero Rocher

Magdalenas de Ferrero Rocher

Ás veces ata eu mesma me canso de tanto cupcake, cake pop, …e todas estas larpeiradas que requiren unha chea de ingredientes e moita preparación. Por iso, nesta ocasión, quixen facer unha receita de magdalenas ben sinxela e rápida, pero cun recheo de Nutella e Ferrero Rocher que lle dará un toque saboroso e diferente. Imos aló! Continue reading “Madalenas de Ferrero Rocher / Ferrero Rocher muffins”

Madalenas fitness / Fitness muffins

Magdalenas fitness

image

Nun curso de nutrición que fixen hai pouco ensinábannos a facer estas magdalenas saudables. Non levan manteiga e a cantidade de azucre é moito menor do que soe ser o habitual. E o sabor? Pois estanvos ben boas! Así que se vos gustan as larpeiradas saudables, apuntade esta! Repetiredes seguro! 😉 Imos aló! Continue reading “Madalenas fitness / Fitness muffins”