Albóndegas de coliflor / Cauliflower meatballs

Albóndegas de coliflor

albóndegas

Ás veces probar funciona e sae unha receita estupenda, desas que sabes que has facer unha e outra vez. A idea inicial era outra, mais o resultado deste experimento non podía ser mellor. E os ingredientes son taaan sinxelos de atopar e a preparación tan doada que costa crer que saiban taaan ben con tan poucos ingredientes e tan pouca dificultade. Ademais, estas albóndegas de coliflor farán que a cativada deveza pola verdura! Si si, han querer repetir e repetir, xa veredes! Desta vez, para acompañalas, fixen un prebe de curry, mais podedes facelas con calquera dos vosos prebes favoritos. Imos aló! Continue reading “Albóndegas de coliflor / Cauliflower meatballs”

Albóndegas recheas / Stuffed meatballs

Albóndegas recheas

albóndegas

Xa había tempo que rondaba pola miña cachola a idea de facer albóndegas caseiras. É ben certo que nunca foron santo da miña devoción, de feito, cando era pequecha, miña nai sempre facía para min hamburguesas e non albóndegas, é dicir, dáballe forma de hamburguesa á mesma carne picada, rebozábaa e fritíia coma se fose unha hamburguesa. E así, a pequena Kukinhas comíaas de marabilla. Xa podedes deducir que era un chisco tiquismiquis con estas cousas porque a carne era a mesmiña. Tamén debo confesar que sigo preferindo as hamburguesas ás albóndegas, mais funme reconciliando con elas e agora xa me gustan algo máis 😉 Desta vez, para darlle un toque diferente, as albóndegas van recheas de queixo e con alfábega. Polo demáis, o de sempre, un prato sinxelo, rápido e si, saborosísimo!!! Imos aló! Continue reading “Albóndegas recheas / Stuffed meatballs”

Hamburguesas de avea / Rolled oats burgers

Hamburguesas de avea

hamburguesa avea

Despois de probar a facer as albóndegas de avea, pensei que facer hamburguesas sería igual de sinxelo e saboroso, e a verdade é que si! Saen unhas hamburguesas moi suaves, nutritivas, saudables e boísimas. O procedemento é similar ao das albóndegas, só que desta vez facémoslle forma de hamburguesa e fritímolas. Imos aló! Continue reading “Hamburguesas de avea / Rolled oats burgers”

Albóndegas de avea / Oats meatless meatballs

Albóndegas de avea

albóndegas avea

Xa sei o que estaredes pensando, albóndegas de avea?!? Iso pensei eu a primeira vez que mo dixeron, pero o certo é que unha vez que as probas, só tes gana de preparalas unha e outra vez. O bo que teñen é que se lle poden engadir verduriñas. Eu, desta vez, engadinlle cenoria e cabaciño. Ademáis, son moi moi moi doadas de facer, e moi rápidas, polo que vos poderán sacar dun apuriño cando non teñades moito tempo para cociñar. E se todo isto fora pouco, o mellor é que son moi saudables. Imos aló! Continue reading “Albóndegas de avea / Oats meatless meatballs”