Rolos de pizza / Pizza wheels

Rolos de pizza

Xa había tempo que vira milleiros de receitas destes rolos de pizza e a verdade é que quería preparalos si ou si. Mais tamén teño que confesar que eu pensaba que o sabor ía ser moito máis semellante ao da pizza e non me ía sorprender demasiado. E foi todo o contrario!!! Quedan moi suaves, esponxosos, cremosos…bufff!!! Se erades un chiso escépticas coma min, facédeme caso e probade estes rolos de pizza! Son espectaculares! E iso de comelos así coas mans sen queimarse nin nada é unha gozada!!! En canto aos ingredientes, engadide aqueles polos que máis devezades. Eu hoxe fun ao seguro e non fallei 😉 Imos aló! Continue reading “Rolos de pizza / Pizza wheels”

Hamburguesa Kukinhas / Kukinhas burger

Hamburguesa Kukinhas

Recoñezo que aínda lle dei unhas cantas voltas a isto do nome da receita de hamburguesa. E xa, xa sei que non quedou moi orixinal, mais como non sabía xa que poñerlle, púxenlle o nome do blogue e listo! Gústame moito preparar receitas de hamburguesas diferentes. Non son moi do pan de hamburguesa, todo queda dito, e se vos pasa coma min, mercade unhas boas boliñas de pan do país que sempre lle dan un toque rústico, un incrible sabor e aguanta moito máis, moi importante para que a nosa hamburguesa non acabe desfeita por todo o prato. Non é que as hamburguesas sexan un prato moi saudábel, mais tampouco é que sexan o peor de peor, sobre todo se as facemos na casa. Desta vez, botei unha ollada pola neveira e aquí está o resultado. Penso repetir, así que non foi mal de todo o experimento! Imos aló! Continue reading “Hamburguesa Kukinhas / Kukinhas burger”

Marmelada de kiwi e amorodo / Kiwi & strawberry jam

Marmelada de kiwi e amorodo

kiwi strawberry jam

Aínda andan kiwis pola casa despois da colleita tan boa deste ano, e xa había tempo que me rondaba pola cabeza a idea de poñer unha receita de marmelada no blogue. Máis para non facer a marmelada só de kiwis, ocorreuseme a idea de facela xunto con amorodos, que xa comezan a asomar, tan vermellos coma sempre, no medio de tanto verde. Aproveito tamén para explicarvos como esterilizar os tarros e pechalos ao baleiro. Imos aló! Continue reading “Marmelada de kiwi e amorodo / Kiwi & strawberry jam”

Guacamole e nachos caseiros / Homemade nachos and guacamole

Guacamole e nachos caseiros

guacamole nachos

Como gozo eu facendo estas receitas que dan tan pouco traballo e tan bo resultado! Que si, que de cando en cando apetece facer receitas máis elaboradas, máis para o día a día o mellor son estas receitas que se fan nun plis, e que están de vicio! Os nachos fanse en 10 minutiños e o guacamole en 5. E ademáis, o guacamole é do máis saudable e apto para tódalas dietas. Imos aló! Continue reading “Guacamole e nachos caseiros / Homemade nachos and guacamole”

Yakisoba con verduras e zamburiñas / Queen scallops & veggies yakisoba

Yakisoba con verduras e zamburiñas

yakisoba

Hai uns días fun a un supermercado asiático e arrasei, hihihi! Son un perigo! Encántame a comida xaponesa, o sushi, as gyozas, os mochis, os udon, os yakisoba, as okonomiyakis (pizzas xaponesas)…ata o de agora, todo o que probei gustoume! E como me gusta tanto comela, tamén me gusta cociñala, porque xa se sabe, que despois de cociñala, toca papar, non si? Os yakisoba son como uns espaguetis que se toman cun prebe especial e xeralmente acompañados de verduriñas e carne de porco ou lagostinos. Máis como tiña zamburiñas pola casa, decidín facer unha versión con verduras e zamburiñas. Imos aló! Continue reading “Yakisoba con verduras e zamburiñas / Queen scallops & veggies yakisoba”

Flan de queixo / Caramel cheese flan

Flan de queixo de Bama

Flan queixo

Encántame o queixo de Bama! E isto non é novo para aqueles que ledes o blogue, a que non? E cando teño este queixo pola casa, non fago outra cousa que discurir receitas para facer con él! Como vos podedes imaxinar, non me dura nada 🙂 Se vos gusta o flan e o queixo, este flan encantaravos, o queixo dálle un toque moi suave ao flan e un sabor que recorda ás mellores tortas de queixo. E cando vexades o sinxelo que é, e os poucos ingredientes que precisamos, seguro que vos poñedes coas mans na masa! Imos aló! Continue reading “Flan de queixo / Caramel cheese flan”