Mousse de chocolate con leite / Milk chocolate mousse

Mousse de chocolate con leite

Esta súper receita de mousse de chocolate con leite só leva dous ingredientes! E non, non leva nin ovo, nin fariña, nin azucre engadido. De feito, eu que estaba algo lambona o día que a fixen, empreguei chocolate con leite, mais se queredes, podedes facela perfectamente con chocolate negro sen azucre e aínda será máis saudábel. A textura xa vedes que é hiper esponxosa e cremosa, cun sabor intenso e unha sensación no padal como se lle deramos unha trabada a un anaquiño de nube. Ademais, é unha receita apta para veganos, ou intolerantes ao ovo ou á fariña. Tampouco leva aceites nin manteigas. Vaia, que é a receita de mousse perfecta e si, só dous ingredientes. E un xa o sabedes, cal pode ser o outro? Non agardes máis para sabelo! Continue reading “Mousse de chocolate con leite / Milk chocolate mousse”

Chips de alcachofa / Artichoke chips

Chips de alcachofa

Mira que fixen esta receita unha chea de veces, de feito, pensaba que xa a puxera no blogue; ata que un día me puxen a buscar a receita e vin que non, que non a tiña! Como podía ser iso? Eu nunca fun moito de alcachofas (xa empezo coas confesións), sempre era das que dicía que non sabían a nada, que sabían a madeira…en fin, que non as quería nin en pintura. Ata que as probei así. E mira que a receita é ben sinxela! As alcachofas así saben de vicio!!! Ponse un a comelas e baixan coma se foran olivas. Unha detrás de outra e remataches o prato sen decatarte. Non vos enredo máis e imos aló! Continue reading “Chips de alcachofa / Artichoke chips”

Wok de verduras / Veggies stir-fry

Wok de verduras

wok de verduras

Moitas veces pásanos que cando imos comer fóra, probamos as verduras e sábennos de medo e despois chegamos á casa e semella que sempre nos saben iguais. E cal é o segredo para ese sabor tan incrible que teñen as verduriñas nos restaurantes? Pois son varios pequenos truquiños que, ademais, fan que a verduras conserven tódolos seus nutrientes. Non vos fago agardar máis e imos aló! Continue reading “Wok de verduras / Veggies stir-fry”

Roliños contrasol / Rainbow pinwheels

Roliños contrasol

roliños de contrasol

Non sabía moi ben como chamarlle a estes roliños, mais vendo as cores e o seu nome en inglés, o mellor que lle quedaba era contrasol, que non deixa de ser o arco da vella. Vendo como locen, non pode haber un nome que lle acaia mellor, non si? A receita é ben sinxela e ideal para facer un prato moi saudábel e ben nutritivo, con moitas verduriñas e ademais infinitas combinacións. O mellor destes roliños é que para facelos podemos empregar verduras de tempada para que estean sempre no seu mellor punto. Aquí vos deixo unha das versións que fixen estes días, mais xa sabedes, a cuestión é probar e probar ata atinar coa combinación que máis vos guste. Imos aló! Continue reading “Roliños contrasol / Rainbow pinwheels”

Ñoques de berenxena / Aubergine gnocchi

Ñoques de berenxena

image11

Rondaba pola miña cabeza dende hai uns días a idea de facer ñoques caseiros. Da primeira vez, fíxenos recheos de queixo azul e nesta ocasión a idea era facer uns ñoques de pataca sen maior complicación. Mais o caso foi que cando me puxen coas mans na masa e abrín a neveira, vin que tiña unhas cantas berenxenas da horta, así que pensei: por que non de berenxena? E así xurdiu esta tola idea cun resultado verdadeiramente brutal e para relamber o prato! Continue reading “Ñoques de berenxena / Aubergine gnocchi”

Parmesano vegano / Vegan parmesan

Parmesano vegano

parmesano vegano

Aquí estamos de novo cunha receita moi saudábel, nutritiva e, como non, saborosísima! Xa sexa porque formades parte da filosofía de vida vegana ou ben porque, coma min, vos gusta experimentar e probar cousas novas, esta receita havos encantar. O certo é que o queixo parmesano é un queixo que sabe taaan ben que rematamos por botarllo a case todo. A min o queixo pérdeme, mais non é un dos produtos máis saudábeis do mercado, como ben saberedes. Este parmesano vegano ofrécenos unha alternativa que nos aporta un beneficio maior para a saúde e que, ademais, ten un sabor moi semellante ao do orixinal. Se vos confeso a verdade, xa é a segunda vez que o preparo en menos dun mes. E por se isto fora pouco, supón unha moi boa opción para aquelas persoas que teñan intolerancia á lactosa. Ao final da receita, falareivos de como empregalo para que estea sempre ao seu punto. Imos aló! Continue reading “Parmesano vegano / Vegan parmesan”