Croquetas de rixóns e queixo / Pressed cracklings and cheese croquettes

Croquetas de rixóns e queixo

Encántanme os rixóns!!! E a miña tía fainos taaan ben! Os rixóns son destas cousas que hai que facer con tempo e con cariño para que saian ben. E estes rixóns, de tempo, paciencia e agarimo é do que máis levan. Para min son os máis saborosos do mundo e o certo é que nunca probei outros que me souberan tan ben. A mín gústanme de moitas maneiras, na pizza, coas filloas, cun anaco de pan ou así, sen nada máis. Desta vez, quixen probar a facelos en croquetas cun anaco de queixo e a verdade é que o resultado é impresionante! Unhas croquetas cun sabor intenso, e cunha textura crocante por fóra e súper suave por dentro! Sen máis lío, imos aló! Continue reading “Croquetas de rixóns e queixo / Pressed cracklings and cheese croquettes”

Flores de Entroido / Carnival flowers

Flores de Entroido

Repasando tódalas lambetadas típicas de Entroido que xa tiña feitas, decateime de que poucas me quedaban por facer (e mira que hai abondo!) Unha delas son estas flores. A miña nai contoume que na súa casa facíanas cando era pequena. Normalmente acostumaban a facer as follas de limoeiro, mais de vez en cando, tamén empregaban este molde tan curioso que fai estas flores que teñen un sabor entre as follas de limoeiro e as orellas. A receita non ten ciencia ningunha e os ingredientes son deses que sempre temos pola casa. O máis complicado da receita é conseguir o molde, e nesta época xa se comezan a ver polas tendas. Ou se non, sempre o podedes pedir emprestado, que así foi como fixen eu 😀 Imos aló! Continue reading “Flores de Entroido / Carnival flowers”

Orellas de Entroido / Carnival sweet ears

Orellas de entroido

orellas

Ai! Bendito entroido! Esa época do ano na que comemos cocido ata fartar e aproveitamos para lambonear todo o que queremos e máis! Recoñezo que é unha das festas coas que máis gozo, as máscaras, as comparsas, o cocido… e si, para que negalo, aquí na Galiza temos unha tradición de Entroido da que podemos facer alarde. Despois das filloas, as follas de limoeiro ou a bica, xa tocaba outra das máis típicas sobremesas, as orellas. Con estes ingredientes sae unha masa duns 1200 gramos polo que sairán moitas orellas. Se non queredes facelas todas a un tempo, a masa pódese conxelar, así, sempre teremos as nosas orellas a punto. Continue reading “Orellas de Entroido / Carnival sweet ears”

Castagnole

Castagnole

castagnole

Despois de facer varias receitas do Entroido galego, xa tiña gana de probar algunha receita máis internacional; e remexendo pola rede descubrín estas pequenas boliñas, que veñen sendo coma as nosas rosquillas, mais en boliñas pequechas. Como supoño que se deduce polo nome, as castagnole son típicas do Entroido en Italia, e están boísimas!!! Na receita orixinal, emprégase reladura de limón, mais como eu son máis de laranxa, mudei de froita, mais vós ao voso gusto! E o mellor de todo é que se fan nun plis, mesturar ingredientes, fritir e xa está. Como nos gusta o Entroido, non si? Imos aló! Continue reading “Castagnole”

Follas de limoeiro / Sweet lemon tree leaves

Follas de limoeiro

follas limoeiro

Falando das receitas do Entroido na casa, xurdiu esta receita que quizáis non é tan típica, máis é unha receita ben antiga e que forma parte da gastronomía galega dende hai ben anos. A receita é sinxela, como tódalas do Entroido, e o resultado é saboroso, xeitoso e sorprendente. Imos aló! Continue reading “Follas de limoeiro / Sweet lemon tree leaves”

Pudin de orellas de Entroido / Carnival orellas pudding

Pudin de orellas de Entroido

image

Non soe ser normal que sobren orellas, peeero, ás veces, poñémonos mans á masa e saennos un montón! Pois nada de tirar orellas ao lixo! Iso si que non pode ser! Unha maneira de conservalas é conxelalas, metémolas no conxelador e o día que as queiramos comer, sacámolas un chisco antes e deixámolas desconxelar, e estanvos ben boas. E se queredes reconvertir as orellas noutra larpeirada, podedes facer este delicioso pudin! Se as orellas están boas, isto está…mmm, saborosísimo!!! Imos aló! Continue reading “Pudin de orellas de Entroido / Carnival orellas pudding”