Galletas de manteiga de cacahuete / Peanut butter cookies

Galletas de manteiga de cacahuete

A min pásame que ás veces quero preparar galletas, pero non o fago porque me dá moita nugalla todo o longo proceso e a cantidade de ingredientes que fai falta para preparar unhas galletas ben sabedeiras. Estas galletas de manteiga de cacahuete só precisan 3 ingredientes, e fanse nuns 20 minutos, contando o tempo de enfornado. O resultado son unhas galletas cun intenso sabor a cacahuete, brandiñas, suaves e lixeiramente crocantes. Eu deille un toque algo diferente que estou segura de que vos vai gustar e que lle aporta un contraste de sabor moi interesante. Para facer as galletas, cómpre ou ben mercar unha manteiga de cacahuete que sexa 100% cacahuete, sen nada máis, ou ben facela caseira. Sen máis historias, imos ao lío! Continue reading

Galletas de chocolate engurradas / Chocolate Crinkle Cookies

Galletas de chocolate engurradas

Hai lambetadas que están moi boas, aínda que non teñan moi boa pinta, e despois están estas galletas de chocolate engurradas, que son ben feitiñas e ademais están boísimas! O meu coas galletas é puro vicio, parécenme unha das mellores larpeiradas do mundo! Podemos levalas no peto para cando temos un antollo de algo doce ou facer un agasallo doce. Ademais, a cativada poderá botarnos unha man, que iso sempre está ben e de seguro que o pasan de marabilla! Imos aló! Continue reading

Galletas alemás de Nadal – Spritzgebäck – Christmas German cookies

Galletas alemás de Nadal – Spritzgebäck

Non sei por que razón, mais este ano semella que o Nadal quere vir antes de tempo, ou iso, ou que teño gana xa de vacacións e de pasar tempo coa familia 🙂 O caso é que sexa como for, aquí está a primeira receita de Nadal. Na busca de lambonadas típicas de Nadal polo mundo, dei con estas galletas típicas de Alemaña que se fan especialmente polo Nadal. Que co boas que están e o feitiñas que son non é preciso agardar a Nadal para facelas, mais se o que precisades é unha desculpa…o Nadal ten a culpa! 😉 Ademais, en canto vexades a listaxe de ingredientes e o sinxelo que é preparalas, xa vos vexo coas mans na masa! Imos aló! Continue reading

Galletas remuiñadas / Pinwheel cookies

Galletas remuiñadas

Hai galletas que saben moi ben, aínda que non teñan unha gran pinta, tamén as hai que teñen unha pinta estupenda, mais non as acompaña moito o sabor, e despois están estas galletas remuiñadas, que son ben feitas e moi saborosas! E, ademais, de dous sabores, de chocolate e de vainilla! E todo, na mesma galleta!!! Os ingredientes, moi sinxelos, e o paso a paso, aínda máis con estes truquiños que vos dou. Han quedar perfectas, xa veredes! Imos aló! Continue reading

Galletas da fortuna / Fortune cookies

Galletas da fortuna

Xa quedan moi poucos días para o Nadal. Unha época do ano na que aproveitamos para pasar tempo coa xente que máis queremos e nos quere. E tamén para desexarlles que pasen un ano novo cheo de cousas boas e de soños cumpridos. Pensando niso, pensei que sería marabilloso facer unhas galletas da fortuna para a Noiteboa ou para o día de Ano Vello e deixar unhas mensaxes de amor e cariño para tódolos comensais. Que vos parece a idea? Eu fixen unhas cantas en galego e en inglés e déixovos aquí o documento por se queredes coller algunha. Se o facedes, podedes poñer mensaxes máis persoais, de broma para botar unhas risas ou para dar unha nova importante: un casamento, un novo membro na familia, unha cea familiar… A que quedaría ben chulo? A verdade é que é unha receita moi sinxela e con tódolos kukiconsellos que vos deixo ha saír perfecta, xa veredes! Sen enredarvos máis, que teñades unhas MOI FELICES FESTAS, UN MOI BO NADAL CHEO DE FELICIDADE E UN ANO NOVO MOI LARPEIRO E CARGADO DE BOAS NOVAS E MOITOS SORRISOS! Continue reading

Galletas de manteiga / Butter cookies

Galletas de manteiga

galletas de manteiga

Pasouvos algunha vez que despois de facer unhas galletas de manteiga caseiras, ao probalas, non sabían tan a manteiga como esperabades? A min, varias veces. Xa levaba tempo e tempo facendo distintas receitas de galletas, cambiando ingredientes, engadindo máis ou menos manteiga, para que realmente tiveran sabor a manteiga, como aquelas danesas da mítica caixa azul (si, esa que tamén se empregaba, entre outras cousas, como costureiro). E ata o de agora, non conseguira ningunhas que realmente me gustaran tanto como esas. Mais isto mudou esta semana, cando despois de tanta proba, dei coa receita perfecta para facer unhas galletas danesas con sabor a manteiga tan saborosas como as de sempre. Por fin!!! E sabedes que é o mellor de todo? Que só fan falta 3 ingredientes. Podo dicir, sen medo a trabucarme, que estas son as galletas máis saborosas, sinxelas e rápidas que fixen nunca. E dixen xa o boas que están? Puro vicio! Iso sí, recoméndovos que fagades unha pequena inversión e merquedes unha manteiga de calidade, xa veredes como se nota a diferenza. Imos aló! Continue reading