Torta de queixo con arandos / Blueberry cheesecake

Torta de queixo con arandos

Hai uns días recibín un agasallo do Pazo de Vilane, no que me convidaban a probar as súas marmeladas caseiras. E que boas están!!! Tanto ten cantas marmeladas probastes ata o de agora, o seu sabor é tan natural e tan saboroso, que pasarán a ser as vosas favoritas decontado. De momento xa levo probadas dúas, a de arandos, que empreguei nesta receita, e a de framboesas, que xa probei noutra receita que vos ensinarei proximamente. Tamén teñen unha de tomate ecolóxico, que tamén empregarei nunha receita, por suposto! Invítovos a probalas sen perder máis tempo, en cada trabada nótase a calidade do produto e o agarimo co que as fan. Ademais, non son moi doces e o sabor da froita é o que destaca. Para empregar esta marabilla de marmelada de arandos, tiña claro dende o comezo que sería cunha torta de queixo. É unha das mellores combinacións do mundo mundial! Imos aló!!! Continue reading “Torta de queixo con arandos / Blueberry cheesecake”

Barriñas de queixo e nutella / Cheese and nutella bars

Barriñas de queixo e nutella

queixo nutella

Se hai dous ingredientes que quedan ben en lambonadas e que, ademais, gustan moito, son a crema de queixo e a nutella. As tortas de queixo son saborosísimas, e son das receitas máis vistas do blogue. E que dicir das larpeiradas que levan nutella, son éxito asegurado. É por iso que estas barriñas son a sobremesa perfecta para triunfar 🙂 O seu paso a paso é moi doado e rápido. A única pega é que hai que agardar un chisco antes de meterlles o dente; e deixalas repousar na neveira antes de probalas. Polo demais, son todo vantaxes. Iso si, ollo con elas, que son moi aditivas 🙂 Imos aló! Continue reading “Barriñas de queixo e nutella / Cheese and nutella bars”

Cheesecake de nutella / Nutella cheesecake

Cheesecake de nutella

nutella cheesecake

Hoxe tráiovos unha receita ben perigosa, e dígoo con moito coñecemento de causa, porque resulta case imposible non probala unha, dúas, ou dez veces mentres se prepara. Está boísima!!! Unha torta de queixo con sabor a nutella que se fai en 10 minutos e é puro vicio! Iso si, saudábel xa vos digo que non o é, mais ás veces ben paga a pena facer o esforzo e probar estas delicias tan saborosas. Así que se sodes seareiras das tortas de queixo, da nutella ou das oreo, esta é a vosa sobremesa perfecta. Non enredo máis e imos aló! Continue reading “Cheesecake de nutella / Nutella cheesecake”

Torta de requeixo de As Neves / As Neves cottage cheesecake

Torta de requeixo de As Neves

requeixo As Neves

Levaba tempo e tempo atrás do requeixo de As Neves, así que en canto me fixen con él, ou máis ben, en canto mo trouxeron, (éche a sorte que ten ter xente que che axuda a facerte cos ingredientes), sabía que acabaría facendo unha torta de queixo. O requeixo está boísimo así según se merca, e se o acompañamos con mel, xa nin vos conto. Unha sobremesa perfecta, sen ter que pasar horas e horas na cociña. Mais as tortas de queixo son outra das miñas sobremesas favoritas, e non resistin a tentación de preparar unha con este marabilloso requeixo. Imos aló! Continue reading “Torta de requeixo de As Neves / As Neves cottage cheesecake”

Torta de queixo de Nova York / New York Cheesecake

Torta de queixo de Nova York

Portada torta queixo

Esta receita de torta de queixo ao forno saqueina do libro de receitas de Hummingbird Bakery, é unha receita moi sinxela de facer, de feito, o único problema que ten é que precisamos dun chisco de tempo para preparala. Máis xa vedes que a pinta que ten é moi boa, non si? Se sodes dos que, coma min, vos gusta probar a torta de queixo nada máis sair do forno, con esta teredes que agardar ata o día seguinte, máis pagará a pena 🙂 Imos aló! Continue reading “Torta de queixo de Nova York / New York Cheesecake”

Torta de queixo sen forno / No-bake cheesecake

Torta de queixo sen forno

No-bake cheesecake

Se vos gustan as tortas de queixo, apuntade esta porque vos vai encantar! É moi rápida de facer, nuns sinxelos pasos xa estará lista e ademáis non precisades o forno. E o sabor e a textura son…mmm…incribles! Fresquiña e sen forno, esta torta é perfecta para o verán. Imos aló! Continue reading “Torta de queixo sen forno / No-bake cheesecake”