Pementos do piquillo recheos de gambas / Piquillo peppers stuffed with shrimps

Pementos do piquillo recheos de gambas

Gústame moito preparar pementos do piquillo recheos porque resultan unha receita moi socorrida, na que podemos empregar distintos recheos: peixe, carne, verduras… e prepárase nun plis. Ata o de agora, sempre preparara os pementos cun prebe de tomate e pemento (recheos de atún e recheos de cogomelos) mais desta vez, a receita vai algo diferente, e o que faremos será fritilos. O sabor, coma sempre, espectacular, e o recheo, xa sabedes, a gustos! Polo demais, un paso a paso moi doado e rápido, que fará que todos relamban os dedos. Imos aló! Continue reading “Pementos do piquillo recheos de gambas / Piquillo peppers stuffed with shrimps”

Bourekas de berenxena / Eggplant bourekas

Bourekas de berenxena

Unha das vantaxes de ter un blogue de cociña é que dás con receitas de orixes moi variadas e que fan que aprendas non só de gastronomía, senón tamén de historia, cultura, costumes e moitas cousas máis. Aínda non recordo moi ben como esta receita chegou a min, só sei que me sorprendeu ter dado cunha receita de orixe sefardí. Disque estas bourekas eran unha das receitas que os sefardís facían de maneira habitual cando residían na península ata que foron expulsados en 1492. Eu fixen unha versión máis rápida e sinxela, empregando masa para empanadiñas, mais tendo tempo e ganas, eu anímovos a facer a masa caseira ou empregar masa follada, que se asemella máis á caseira. O recheo non pode ser máis sinxelo, mais isto non quere dicir que non estea realmente bo e a combinación dos ingredientes non pode dar un mellor resultado. Imos aló! Continue reading “Bourekas de berenxena / Eggplant bourekas”

Espeto de sándwich / Sandwich skewers

Espeto de sándwich

Ás veces as receitas máis sinxelas son as máis sabedeiras. E isto poderíase aplicarse, e de que maneira, a estes espetos de sándwich. A versatilidade destes espetos de sándwich é infinita, e pode adaptarse a calquera gusto, pois o recheo pode variar segundo os ingredientes que máis vos gusten. O paso a paso non pode ser máis sinxelo e a presentación é caralluda, non si? Non me podedes negar que é unha moi boa maneira de presentar uns simples sándwiches e quedar de medo con pouco esforzo, que tamén cómpre de vez en cando. Eu déixovos aquí a miña versión, que estaba de relamber os dedos, mais de seguro que cun pouco máis de imaxinación, faredes auténticas marabillas. Imo aló! Continue reading “Espeto de sándwich / Sandwich skewers”

Cottage Pie

Cottage Pie

Ata o de agora, cando ía de viaxe, sempre mercaba un marca-páxinas, e a verdade é que xa levo unha chea deles dende que comecei a colección, moitas veces grazas a amigos e familia que tamén me traen cando van de viaxe. Mais hai un tempo que tamén recibo e merco libros de cociña que falen sobre receitas típicas do sitio no que estou. Cando fun a Londres durante a Pascua, dei cun marabilloso libro que, ademais de ter unhas ilustracións moi fermosas, ten unhas receitas típicas inglesas con ingredientes naturais, da horta e da granxa, que son cos que eu máis gozo. O libro chámase: The Great British Farmhouse Cookbook e está escrito por Sarah Mayor. En canto o abrín, souben que a primeira receita que faría sería esta. A Cottage Pie ven sendo un prato moi sinxelo, basicamente carne e patacas, polo que se a materia prima é boa, o resultado ten que ser espectacular. Eu fixen a miña propia versión apta para vexetarianos, mais se sodes máis de carne, xa vos direi como facer a receita orixinal. Continue reading “Cottage Pie”

Empanadiñas de atún / Tuna pies

Empanadiñas de atún

Xa é a segunda vez que preparo esta receita para o blogue, mais desta vez cambiei algo os ingredientes para darlle un toque máis orixinal, e para axudar a que a cativada coma verduras sen decatarse. Estas empanadiñas de atún son lixeiras, van feitas ao forno, polo que non levan aceite de máis, e ademais saben de marabilla!!! Que é o máis importante! Ademais, veremos como pechar as empanadiñas dun xeito distinto, que de seguro vos recordará ás empanadiñas arxentinas, que é moi sinxelo de facer e que fai que queden unhas empanadiñas ben feitiñas. A masa é moi fina e non se fai nada pesada, por iso é ideal para facer ao forno, ademais así non corremos o risco de que rompa e se nos escape a o recheo 🙂 Imos aló! Continue reading “Empanadiñas de atún / Tuna pies”

Ramen de tofu / Tofu Ramen

Ramen de tofu

Quen siga un pouco este blogue tan lambereteiro, saberá de sobra o que desfruto e me gusta a comida oriental! Cando fun a Xapón, xa era moi seareira da súa gastronomía, mais non sabía eu a de pratos que aínda me quedaban (e me quedan) por probar! Un dos que máis me gusta porque creo que é un prato moi completo, ademais de nutritivo e perfecto para o inverno, é o ramen. As súas múltiples versións, fan que case non haxa ninguén no mundo a quen non lle guste, pois xa sexa de verduras, picante, con brotes de soia, con tenreira, porco ou polo, o ramen está sempre moi bo!!! Cando o probei por primeira vez en Xapón foi en Arashiyama e, como este, levaba tofu, así que tiña claro que a primeira vez que ía preparar ramen na casa sería así, con tofu. É unha receita moi sinxela, e por suposto case nada que ver co ramen de Xapón, mais si para quitar o antollo! Eu desfrutei moito facéndoo e é un prato que precisa que o fagamos con moito tempo e moito agarimo, e así sairá estupendo, xa veredes! Imos aló!!! Continue reading “Ramen de tofu / Tofu Ramen”