Galletas de lavanda / Lavender biscuits

Galletas de lavanda

Se xa hai tempo que seguides este blogue, xa vos comentei máis dunha vez que unha das miñas paixóns que máis está ligada á gastronomía é mercar libros de cociña. Cando viaxo, sempre procuro ir na busca dunha libraría para poder botar un ollo aos libros ata topar un que me encha o ollo 🙂 Cústame decidirme, non vou dicir que non, sempre quero que teña receitas típicas (non as típicas receitas modernas de calquera libro), que estea escrito na lingua orixinal (sempre e cando non se me complique moito entendelo), que teña algo máis que non só receitas (historia, tradición, produtos típicos…) e, por último, e non menos importante, que sexa fermoso. Continue reading

Nevadiños

Nevadiños

E mesmo semella que foi onte cando estabamos facendo lambonadas de Nadal no blogue, e xa estamos de volta con novas receitas para seguir enchendo os nosos bandullos de felicidade lambereteira. Desta vez, imos cunha receita que pode que non sexa das máis populares na Galiza, mais polos ingredientes que leva, ben pode comezar a selo 🙂 Quen non ten graxa de porco na casa, ou un bo viño branco? Pois pouco máis nos fai falta, xa veredes! O resultado, unhas ‘galletas’ crocantes, manteigosas, e cun punto doce e salgado, que a min, particularmente, encántame! O paso a paso é taaan sinxelo que estou segura de que unha vez que o vexades, non vos poderedes resistir a preparalos. E aínda menos a comelos! Imos aló! Continue reading

Galletas de chocolate engurradas / Chocolate Crinkle Cookies

Galletas de chocolate engurradas

Hai lambetadas que están moi boas, aínda que non teñan moi boa pinta, e despois están estas galletas de chocolate engurradas, que son ben feitiñas e ademais están boísimas! O meu coas galletas é puro vicio, parécenme unha das mellores larpeiradas do mundo! Podemos levalas no peto para cando temos un antollo de algo doce ou facer un agasallo doce. Ademais, a cativada poderá botarnos unha man, que iso sempre está ben e de seguro que o pasan de marabilla! Imos aló! Continue reading

As 10 receitas máis vistas de 2017 / The top 10 recipes of 2017

As receitas máis vistas do 2017

Aquí estamos de novo en plenas festas de Nadal para seguir falando de lambonadas e como a este ano 2017 xa lle vai quedando pouco, facemos balance das receitas máis vistas para que as teñades todas xuntiñas. A verdade é que me alegra saber que vos gustan receitas de moitos tipos, sabores e con ingredientes moi diferentes, iso quere dicir que como galegas e galegos que somos, somos ben lambonas e lambóns, non si? Se aínda non vos animastes a preparar ningunha receita do blogue, botádelle un ollo a estas más vistas do 2017, que por algo están nesta listaxe! Comezamos coa receita que queda na posición número 10 Continue reading

Turrón de chocolate branco con framboesas / White chocolate nougat with raspberries

Turrón de chocolate branco con framboesas

Xa había tempo que non caía outra receita de turrón de chocolate e xa tocaba. Despois das varias lambonadas de Nadal, volvemos facer un turrón de chocolate caseiro, mais desta vez dámoslle un toque aínda máis especial con estas framboesas liofilizadas. Eu engadinlle tamén unhas noces de Macadamia, mais calquera froito seco lle quedaría ben. Aproveito esta receita para desexarvos un MOI BO NADAL E UN PRÓSPERO E MOI FELIZ ANINOVO 2018!!! Que pasedes unhas festas moi felices, acompañados de tódalas persoas que queredes e vos queren, e que o Apalpador vos deixe algún que outro agasalliño. E agora, imos a pola receita! Continue reading