Galletas de chocolate engurradas / Chocolate Crinkle Cookies

Galletas de chocolate engurradas

Hai lambetadas que están moi boas, aínda que non teñan moi boa pinta, e despois están estas galletas de chocolate engurradas, que son ben feitiñas e ademais están boísimas! O meu coas galletas é puro vicio, parécenme unha das mellores larpeiradas do mundo! Podemos levalas no peto para cando temos un antollo de algo doce ou facer un agasallo doce. Ademais, a cativada poderá botarnos unha man, que iso sempre está ben e de seguro que o pasan de marabilla! Imos aló! Continue reading “Galletas de chocolate engurradas / Chocolate Crinkle Cookies”

Parmentier de queixo San Simón con navallas / San Simon cheese Parmentier with razon shells

Parmentier de queixo, navallas ao allo e tellas de San Simón

Hai uns días chegoume un correo electrónico dunha páxina chamada Terra de preguntas na que me ofrecían enviarme uns produtos para que eu os probara e fixera con eles unha receita. Na súa tenda online hai diferentes produtos galegos e todo se fai cun especial agarimo, traballando con pequenos produtores e garantindo unha calidade excelente. Xa había tempo que tiña gana de facer un parmentier, é desas cousas que sempre que as vexo nalgún restaurante, aí vou dereitiña e pido ese prato, así que xa iba sendo hora de poder degustalo na casa. E que mellor que un queixo San Simón co seu sabor afumado para conseguir un parmentier cremoso cun sabor intenso. E para acompañalo, unhas navallas en conserva ao natural, que fritiremos cun chisco de allo e perexil para potenciar aínda máis o seu sabor. Ademais, co queixo, faremos tamén unhas tellas crocantes que son moi sinxelas, campan moi ben e saben aínda mellor. Imos aló! Continue reading “Parmentier de queixo San Simón con navallas / San Simon cheese Parmentier with razon shells”

Bica de Trives / Bica from Trives

Bica de Trives

Encántanme tódalas bicas! Todas elas!!! E máis houbera! 😀 A de Laza xa hai tempo que me namorou totalmente, mais a de Trives, evidentemente, non queda atrás. O paso a paso é quizais máis complexo, mais o resultado é espectacular! As dúas claves para que a bica quede perfecta son a manteiga, polo que paga a pena facer unha inversión ou conseguir manteiga de vaca da tradicional (non mantequilla) e a masa fermentada, que hai que facer previamente. O demais, bater e bater. Os ingredientes son ingredientes de sempre e, aínda que leve algo de tempo facela, eu repetiría unha e mil veces. Así que non perdades a oportunidade de celebrar o Entroido como se merece con esta bica, que é unha marabilla!!! Imos aló! Continue reading “Bica de Trives / Bica from Trives”

As 10 receitas máis vistas de 2017 / The top 10 recipes of 2017

As receitas máis vistas do 2017

Aquí estamos de novo en plenas festas de Nadal para seguir falando de lambonadas e como a este ano 2017 xa lle vai quedando pouco, facemos balance das receitas máis vistas para que as teñades todas xuntiñas. A verdade é que me alegra saber que vos gustan receitas de moitos tipos, sabores e con ingredientes moi diferentes, iso quere dicir que como galegas e galegos que somos, somos ben lambonas e lambóns, non si? Se aínda non vos animastes a preparar ningunha receita do blogue, botádelle un ollo a estas más vistas do 2017, que por algo están nesta listaxe! Comezamos coa receita que queda na posición número 10 Continue reading “As 10 receitas máis vistas de 2017 / The top 10 recipes of 2017”

Dutch baby pancakes

Dutch baby pancakes

Que cousa máis saborosa! Mira que ten boa pinta, mais non me pensaba eu que ía estar taaan rica! Aínda a podo saborear e non me resisto a coller outro anaco. Mágoa que cada vez quede menos! 😀 Que sabor, que textura! Esta Dutch baby pancake recórdame moito ás crepes flamexadas, pois ten unha textura de crepe húmida e un sabor a vainilla que está de vicio!!! E sabedes o mellor de todo? De seguro que tódolos ingredientes que fan falta para preparala os tedes agora mesmo na casa. E…prepárase en 20 minutos!!! O único inconveniente e a razón básica pola que aínda non a preparara na casa é que para preparala precisamos unha tixola que se poida meter no forno. Agora son ben sinxelas de atopar, e xa só por preparar esta marabilla, paga ben a pena!!! Continue reading “Dutch baby pancakes”

Torrradas de té matcha / Matcha French toast

Torradas de té matcha

Despois da viaxe a Xapón, estaba claro que tocaba unha receita larpeira con té matcha, va que si? No hotel de Kyoto descubrín estas torradas feitas con té verde que nos poñían para almorzar e desde que volvín so tiña antollo de volvelas comer, así que o que me quedaba era preparalas na casa. A receita é moi sinxela e aínda que eu sempre as fago con pan de brioche para que sexan aínda máis lambonas, sempre podedes probar a facelas con pan duro, que tamén estarán boísimas! Imos aló! Continue reading “Torrradas de té matcha / Matcha French toast”