Muhammara

Muhammara

O Muhammara é unha especie de pasta para untar tipo hummus típica de Alepo, Siria. Os ingredientes básicos son o pemento, as noces e a granada e resulta unha crema con moito sabor e unha textura moi especial. Esta receita descubrina vendo unha película na que probaban o Muhammara, e de aí chegou a idea de facela para o blogue. Eu, coma sempre, deille o meu toque persoal, que vos explico ao final da receita. Para acompañalo, podemos facelo con pan torrado ou ben con crudités de cenoria e cabaciña. Imos aló! Continue reading “Muhammara”

Viaxe gastronómica – NAVARRA – Gastronomic trip

Viaxe gastronómica: NAVARRA

Navarra é un paraíso natural, tinguida de verde, con recunchos cheos de historia e sitios de bo comer. Aquí explicareivos un pequeno itinerario para facer por Navarra, sempre facendo fincapé no aspecto gastronómico, que para iso estamos. Pasaremos por Iruña, Urdax e Lizarra, tres sitios moi fermosos e onde se pode lambonear de moitas maneiras. As propostas gastronómicas son moi distintas e para tódolos petos, sempre procurando probar pratos e produtos típicos. Comezamos a nosa viaxe gastronómica por Navarra. Imos aló! Continue reading “Viaxe gastronómica – NAVARRA – Gastronomic trip”

Restaurante Carlota Akaneya

Carlota Akaneya

**Imaxe extraída da páxina web do restaurante Carlota Akaneya

O restaurante Carlota Akaneya é un restaurante que se podería definir de moitas maneiras, mais esta é a que máis me gusta: o resultado de xuntar un galego, un catalán e unha xaponesa. De aí, só poden saír cousas boas. E a verdade é que non é para menos. Quen me coñeza un chisco, sabe que non son eu moi tola pola carne. Ou iso acostumaba a pensar ata que fun alí. O Carlota Akaneya é o único restaurante Sumiyaki que temos por estes lares. A idea, segundo lin, xurdiu dunha viaxe a Xapón e de querer trasladar un anaco da súa cociña menos coñecida a Barcelona. Ademais da súa excelente proposta gastronómica, que detallarei máis adiante, gustaríame destacar a amabilidade de todo o persoal que alí traballa e a paixón que teñen polo que fan, tanto dentro como fóra da cociña. Para min é sempre unha parte moi importante da propia experiencia. Como vedes, non acostumo a falar de moitos restaurantes e, se o fago, é porque a experiencia foi enriquecedora en tódolos sentidos. Imos aló! Continue reading “Restaurante Carlota Akaneya”

Mariñeiras con tartar de salmón / Mariñeiras with salmon tartare

Mariñeiras con tartar de salmón

Se nunca probastes estas saborosas galletas mariñeiras, non agardedes máis! Teñen un sabor moi intenso, son súper crocantes (algo que me encanta!) e o mellor de todo é que son galegas!!! Son perfectas para preparar petiscos e de aí xurdiu esta idea! As mariñeiras con tartar de salmón son un petisco saudábel, saboroso, rápido e que campa que rabea! Non me diredes que non son bonitiñas, non si? 😀 Pois aínda saben mellor!!! Só precisaremos uns 5 minutos para preparar todo. Imos aló! Continue reading “Mariñeiras con tartar de salmón / Mariñeiras with salmon tartare”

Galletas da fortuna / Fortune cookies

Galletas da fortuna

Xa quedan moi poucos días para o Nadal. Unha época do ano na que aproveitamos para pasar tempo coa xente que máis queremos e nos quere. E tamén para desexarlles que pasen un ano novo cheo de cousas boas e de soños cumpridos. Pensando niso, pensei que sería marabilloso facer unhas galletas da fortuna para a Noiteboa ou para o día de Ano Vello e deixar unhas mensaxes de amor e cariño para tódolos comensais. Que vos parece a idea? Eu fixen unhas cantas en galego e en inglés e déixovos aquí o documento por se queredes coller algunha. Se o facedes, podedes poñer mensaxes máis persoais, de broma para botar unhas risas ou para dar unha nova importante: un casamento, un novo membro na familia, unha cea familiar… A que quedaría ben chulo? A verdade é que é unha receita moi sinxela e con tódolos kukiconsellos que vos deixo ha saír perfecta, xa veredes! Sen enredarvos máis, que teñades unhas MOI FELICES FESTAS, UN MOI BO NADAL CHEO DE FELICIDADE E UN ANO NOVO MOI LARPEIRO E CARGADO DE BOAS NOVAS E MOITOS SORRISOS! Continue reading “Galletas da fortuna / Fortune cookies”

Wok de verduras / Veggies stir-fry

Wok de verduras

wok de verduras

Moitas veces pásanos que cando imos comer fóra, probamos as verduras e sábennos de medo e despois chegamos á casa e semella que sempre nos saben iguais. E cal é o segredo para ese sabor tan incrible que teñen as verduriñas nos restaurantes? Pois son varios pequenos truquiños que, ademais, fan que a verduras conserven tódolos seus nutrientes. Non vos fago agardar máis e imos aló! Continue reading “Wok de verduras / Veggies stir-fry”