Irish Boxty

Irish Boxty

boxty

Adoro a cociña de Irlanda. Supoño que é porque adoro esa conexión celta que fai que moitos pratos teñan un sabor similar. Aínda que estas tortiñas irlandesas se papan agora en calquera ocasión, o típico era comelas na época do Samaín, e é por iso que tocaba preparalas. Non sabía moi ben como sería o sabor, porque eu sonvos moito de probar así ao tolo, sen saber como saberán os pratos. Iso si, en canto lle dei a primeira trabada…mimadriña!!! Non imaxinaba que estiveran tan boas! Que sabor, que textura! Puro vicio!!! Creo que me sería imposible dicir os ingredientes que leva polo sabor que ten despois! A min recordoume ás filloas, mais isto xa é cuestión de opinións. Non vos enredo máis e imos ao choio! Imos aló! Continue reading “Irish Boxty”

Momias de Samaín / Hot dog mummies

Momias de Samaín

momias de Samaín

Despois de dúas receitas tradicionais do Día de Tódolos Santos, hoxe toca unha receita máis moderna, divertida e pola que devecerá a cativada. De seguro que se apuntan tanto a facelas como a comelas. E o certo é que non me estraña nadiña. Cantos anos sen comer salchichas! Xa nin recordaba como sabían. Non sei a vós, pero na miña casa eran un produto bastante vetado 😀 Xa sei que non son nada saudábeis, mais unha vez ao ano, polo Samaín, ben podemos facer un pequeno sacrificio, va que si? E o riquiñas que quedan? Non me digades que non quedan de medo 🙂 E ademais, fanse nun plis! Imos aló! Continue reading “Momias de Samaín / Hot dog mummies”

Solombiños estilo Quebec / Quebec-style tenderloin

Solombiños estilo Quebec

solombiños

Como xa vos ensinei a moitos de vós polas redes sociais, tiven a sorte de recibir como agasallo un libro precioso de receitas do Quebec. Cheo de ilustracións, imaxes fermosas do Quebec, e, ademais, en francés! En canto lle botei un ollo ás receitas, xa houbo unha que me namorou e que sabía que sería das primeiras en aparecer no blogue. E aquí está. Aínda que a receita orixinal era con porco bravo, podedes empregar, como fixen eu, calquera outra carne tenriña que teñades a man. Para min, solombo, raxo ou redondo quedarían perfectos con este prebe. Nótase na gastronomía do Quebes a marabillosa influencia da cociña francesa. Un pracer para tódolos sentidos. Imos aló! Continue reading “Solombiños estilo Quebec / Quebec-style tenderloin”

Panellets

Panellets

panellets

A semana pasada, puxemos unha receita do Día de Tódolos Santos típica da Galiza (os Ósos de santo) e esta semana toca un doce típico destas datas en Catalunya. Os panellets son deses doces que en canto asoma outubro, non deixas de ver en tódalas pastelarías e mercados. Os caseiros acostuman a costar uns 40 euros o kilo e hainos de moitos sabores. É un doce bastante calórico, cousa que viña moi ben porque, antigamente, na noite do Día de Defuntos adoitábase tocar a campá toda a noite, polo que a maioría dos veciños facían vixília. Así pois, precisaban de moita enerxía para aguantar espertos toda a noite. Ademais, como xa ben sabemos, son datas onde o tempo xa é frío abondo, e non? E que ben viña unha lambonada ao carón da lareira! Sen máis historias, dicirvos que vos deixo a receita de dous tipos de panellets: os panellets de piñóns (panellets de pinyons) e os panellets de marmelo (panellets de codonyat). Imos aló! Continue reading “Panellets”

Ósos de santo

Ósos de santo

ósos de santo

Aínda quedan uns días para o Samaín (31 de outubro) e o Día de Tódolos Santos (1 novembro), mais para ir abrindo boca, que mellor que uns ósos de santo. E así, poñendo a receita con tempo, non tedes desculpa ningunha para non preparala, pois xa podedes ir mercando os ingredientes con tempo 🙂 Esta sobremesa tradicional galega sempre estaba presente nas paparotas de tódolos santos na casa dos meus avós. Este ano, pensando receitas para estes días de festa, acordeime desta receita e preguntei na casa por ela. Así, maxicamente, e escrita nun anaco de papel (adoro as receitas que pasan así duns a outros!) apareceu esta marabillosa receita de ósos de santo. Dende aquí, moitísimas grazas a todas aquelas persoas que fan que as receitas tradicionais galegas teñan cabida neste blogue. Imos aló! Continue reading “Ósos de santo”

Roliños contrasol / Rainbow pinwheels

Roliños contrasol

roliños de contrasol

Non sabía moi ben como chamarlle a estes roliños, mais vendo as cores e o seu nome en inglés, o mellor que lle quedaba era contrasol, que non deixa de ser o arco da vella. Vendo como locen, non pode haber un nome que lle acaia mellor, non si? A receita é ben sinxela e ideal para facer un prato moi saudábel e ben nutritivo, con moitas verduriñas e ademais infinitas combinacións. O mellor destes roliños é que para facelos podemos empregar verduras de tempada para que estean sempre no seu mellor punto. Aquí vos deixo unha das versións que fixen estes días, mais xa sabedes, a cuestión é probar e probar ata atinar coa combinación que máis vos guste. Imos aló! Continue reading “Roliños contrasol / Rainbow pinwheels”