Torta de limón e alfábega

Estou ultimamente moi seareira do limón… Despois ben podo dicir que non me gusta que, evidentemente, non ha colar. Non me gusta nos pratos salgados, mais nas lambetadas…aí moito! Esta lambetada xurdiu de aproveitar a alfábega. Normalmente mércoa para facer pesto. E xa se sabe que hai que facela axiña porque senón ponse pocha e xa non vale. Entón, adoito facer unha boa cantidade de prebe pesto e despois conxelalo para ilo empregando en pratos de pasta, pizza, sándwiches, empanadiñas… O pesto case queda ben en todo. O caso é que desta vez, aínda facendo unha boa cantidade de pesto, sobroume alfábega. E como non ha ía tirar e tiña medo de que se botase a perder, pensei en facer unha lambonada con ela.

torta de limón e alfábega

O certo é que xa probara a alfábega nunha sobremesa no restaurante A Maceta, en Compostela, e gustárame moitísimo. Tanto que esta sobremesa cae sempre que vou alí comer. A receita é do blogue Lume Brando e a verdade é que o sabor da torta é incríbel! Fiquei absolutamente namorada desta torta. Do seu sabor a limón e alfábega, da textura súper cremosa do recheo e o crocante da parte da bolacha. Para min pasou directamente a ser unha das miñas tortas favoritas. E estou segura de que vos ha pasar igual. Non é nada complicado facela e o resultado non pode ser mellor. Probade e xa veredes como me habedes dar a razón.

torta de limón e alfábega

Ingredientes

  • 200 gramos de bolachas María

  • 100 gramos de manteiga

  • Para o recheo
  • 100 gramos de azucre

  • 90 gramos de manteiga

  • 3 ovos

  • 1 folla de xelatina

  • Raladura dun limón

  • 60 ml de zume de limón

  • 15 gramos de follas de alfábega

  • molde de 20 cm

preparación

  • Poñemos o forno a quentar a 180ºC. Picamos as bolachas nunha picadora, engadimos a manteiga desfeita e batemos de novo. Cubrimos a base e un chisco as paredes do molde.torta de limón e alfábega
  • Enfornamos durante 10 minutos e deixamos que arrefríe mentres preparamos o resto dos ingredientes.
  • Mesturamos os ovos e a metade do azucre. E poñemos a folla de xelatina a hidratar nun prato con auga.torta de limón e alfábega
  • Nun cazo botamos o resto do azucre, o zume e a raladura do limón. Poñemos ao lume ata ferver.torta de limón e alfábega
  • Botamos esta mestura sobre a de ovos, pouco a pouco e sen deixar de remexer cun batedor de varas.torta de limón e alfábega
  • Poñemos ao lume de novo ata que espese, sen deixar de remexer. Sacamos do lume e engadimos a folla de xelatina.
  • Engadimos a manteiga aos poucos e mesturamos.torta de limón e alfábega
  • Pica as follas de alfábega moi finiñas e engádeas, remexendo ben durante un tempo para que colla moito sabor.torta de limón e alfábega
  • Botamos sobre a base de bolachas.torta de limón e alfábega

Agora só temos que deixar que a torta de limón e alfábega arrefríe na neveira durante, mínimo, 4 horas. O mellor é deixala tapada para que non colla cheiros da neveira.

torta de limón e alfábega

Xa vos digo que non ha durar moito, pois de verdade que está de vicio, e sempre vos ha saber a pouco e quereredes repetir e repetir. Despois non me digades que non vos avisei. É unha torta perfecta para calquera ocasión, pois pódese preparar o día antes, ten moi boa presentación e de seguro que ha sorprender que unha larpeirada leve alfábega.

Leave a Comment

O teu enderezo electrónico non se publicará

*

Este sitio emprega Akismet para reducir o spam. Aprende como se procesan os datos dos teus comentarios.