Brunyols de l’Empordà

Ás veces fago unha receita e gústame para repetir, doutras, gústame mais non a voltaría facer porque me resultou moi traballosa, e despois están as receitas coma esta, das que namoro antes, durante e despois. E é que mentres facía estes brunyols de l’Empordà, xa os ía papando e estaban tan bos, que pensei que sería a única da casa en probalos.

Brunyols de l'Empordà

Xa fixera unha receita de bunyols (así, sen R) hai un tempo, que tamén son típicos de Catalunya no tempo de Coresma e pensei que os do Empordà serían moi semellantes. Mais non podía estar máis enganada. O proceso é moi diferente e aínda que custa un chisco formalos, paga a pena non engadir máis fariña e deixalos así moi esponxosos.

Brunyols de l'Empordà

Xa había uns días, ou case semanas, desde que rematou o Entroido, que andaba a buscar receitas de  Coresma e de Pascua e non daba topado ningunha que me enchera o ollo. Mais chegoume a revista Cuines deste mes e tachán! Alí tiña 3 receitas de lambetadas típicas destas datas. Así que xa non puiden agardar máis, e ese mesmo día púxenme mans á obra ao ver a boa pinta que tiñan estes brunyols de l’Empordà.

Brunyols de l'Empordà

A explicación da revista era moi breve, eu ampliareina un chisco porque penso que cómpre darlle algunha volta máis, sobre todo para darlles a forma e non caer na tentación de engadir máis fariña. Estes brunyols son típicos da Coresma e da Pascua, mais eu xa vos digo que lles faría unha homenaxe todos los días do ano.

IngredientES

  • 157 gramos de fariña triga

  • 158 gramos de fariña de forza

  • 75 gramos de azucre

  • 1 belisco de sal

  • 30 gramos de manteiga

  • 2 ovos pequenos

  • 15 gramos de fermento fresco

  • 1 limón relado

  • 100 gramos de leite

  • 5 gramos de auga de azar

  • 5 gramos de anís estrelado

  • 5 gramos de licor de anís

  • aceite de xirasol para fritir

  • azucre e licor de anís para rebozar

PREPARACIÓN

  • Botamos no leite o anís estrelado e poñémolo ao lume ata que case ferva. Tapamos e deixamos que infusione ata que arrefríe.Brunyols de l'Empordà
  • Mesturamos os ingredientes secos: fariñas, azucre, sal e o limón relado.Brunyols de l'Empordà
  • Coamos o leite infusionado e desfacemos nel o fermento fresco.
  • Engadimos os ingredientes húmidos á mestura de ingredientes secos, agás a manteiga: ovos, licor de anís, o leite infusionado co fermento e a auga de azar.Brunyols de l'Empordà
  • Amasamos e engadimos a manteiga algo desfeita.Brunyols de l'Empordà
  • Continuamos amasando ata que a masa estea lista e homoxénea. Estará pegañenta, mais así é como debe estar, non engadades máis fariña.Brunyols de l'Empordà
  • Deixamos que a masa repouse ata que dobre o seu volume. Unhas 3 horas no meu caso.Brunyols de l'Empordà
  • Untamos as mans en aceite para que non se nos pegue a masa nas mans e evitar ter que botar máis fariña. Facemos bólas da masa fermentada, facémoslles un burato no medio e fritímolas en abundante aceite de xirasol ben quente. É importante botalas no aceite en canto as teñamos feitas, pois é unha masa moi delicada, o mellor é facer a bóla, e aínda na palma da man, facerlles o burato e botalas de inmediato no aceite quente.Brunyols de l'Empordà
  • Agardamos ata que fiquen douradas por ámbolos dous lados (haberá que darlles a volta) e poñémolas sobre un papel absorbente.Brunyols de l'Empordà
  • Último paso e máis importante: bañalas no licor de anís e rebozalas en ben de azucre. Unha delicia! Brunyols de l'Empordà

Non perdades a oportunidade de comelas en quentiño, xusto cando os saquedes do lume, pois están espectaculares! Eu deixei algúns sen rebozar, por iso do alcol, mais despois acabei bañándoos todos en licor e azucre porque de verdade que quedan boísimos. Non é unha masa sinxela, mais se seguides os meus consellos, hanvos saír de marabilla. E se aínda non vos convencín, voltade á parte superior, e botádelle un ollo a como quedan esta marabilla de brunyols por dentro. Puro pracer!

Leave a Comment

O teu enderezo electrónico non se publicará

*

Este sitio emprega Akismet para reducir o spam. Aprende como se procesan os datos dos teus comentarios.