Torta Tenerina de chocolate

Jump to recipe in English

Se vos conto que xa hai máis de dous meses que levo intentando facer esta torta tenerina de chocolate, non vos minto en nada. E é que a primeira vez que a vin, de casualidade, nun vídeo nunha canle italiana, souben que máis cedo ou máis tarde, tería que poñerme coas mans na masa para preparar esta marabilla. Mais se xa normalmente non vou moi sobrada de tempo, este curso está sendo unha auténtica toleada, e nunca daba atopado o momento perfecto para preparala.

torta tenerina

De seguro que vendo as fotos, pouco máis vos podo dicir para convencervos de que esta torta tenerina teno todo para ser unha torta difícil de esquecer, tanto polo seu sabor, como pola pinta que ten e o sinxelo que resulta facela. Como se pode apreciar na imaxe, a parte superior fica moi crocante, de feito, o normal é que rompa ao sacala do forno e máis aínda ao cortala co coitelo. Pola contra, o seu interior é húmido e tenro, cunha textura entre un brownie e un coulant.

torta tenerina

É típica da cidade de Ferrara, no norte de Italia e o único segredo para que quede perfecta é empregar un chocolate de calidade e sabor intenso, por iso o mellor é que sexa de mínimo un 70% de cacao. Non leva ningún tipo de fermento e ademais, para esta versión que fixemos, empregamos fariña de arroz, polo que teremos unha receita de torta tenerina sen glute.

Receita

Comensais

8 persoas

Tempo de preparación

20 minutos

Tempo de enfornado

40 minutos

Calorías

325 por comensal

Ingredients

  • 180 gramos de chocolate negro mínimo 70% de cacao

  • 90 gramos de manteiga

  • 4 ovos

  • 150 gramos de azucre

  • 50 grams of rice flour

  • manteiga e fariña de arroz para o molde

  • azucre en po para decorar

Directions

  • Derretemos o chocolate e a manteiga no microondas en función desconxelar para que non se queime e remexemos ben para que queden ben integrados. Poñemos o forno a quentar a 180ºC.
  • Separamos as claras das xemas e montamos as claras a punto de neve xunto coa metade do azucre.
  • Montamos as xemas xunto coa outra metade do azucre.
  • Botamos a mestura de chocolate sobre as xemas e remexemos.
  • Engadimos as claras pouco a pouco e con movementos envolventes para que non baixen e quede moi cremoso.
  • Botamos a fariña de arroz e mesturamos con moito coidado, procurando que non quede fariña agochada entre a ‘mousse’ sen mesturar. (Dígovolo con coñecemento de causa, que ao estar a masa tan cremosa é sinxelo que pase).
  • Engraxamos un molde de 20 cm e botamos un pouco de fariña de arroz para que quede ben enfariñado e non se pegue a torta.
  • Enfornamos a 180ºC durante uns 38-40 minutos.
  • Deixamos que arrefríe por completo e listo!

Para degustala, nada mellor que deixala arrefriar ben, aínda que, como sempre vos digo, iso xa a gustos, que hai quen devece polas lambetadas así quentes, acabadas de facer. Eu non fixen a proba, mais dáme a min que un xeado de vainilla ou cítricos de seguro lle ha quedar de marabilla. Polo demais, xa vedes que esta torta pouco misterio ten, só cómpre mesturala con moito agarimo.

Chocolate Tenerina Cake

Recipe by KukinhasCourse: DessertCuisine: ItalianDifficulty: Easy
Servings

8

servings
Prep time

20

minutes
Cooking time

40

minutes
Calories

325

kcal

A super crunchy chocolate cake typical from Ferrara (Italy) with a gooey and moist chocolatey heart.

Ingredients

  • 180 grams dark chocolate min. 70%

  • 90 grams butter

  • 4 eggs

  • 150 grams white sugar

  • 50 grams rice flour

  • butter and rice flour for the mould

  • powdered sugar to dust

Directions

  • Melt chocolate and butter in the microwave, defrost mode. Mix until integrated. Pre-heat oven at 180ºC.
  • Whisk egg whites with half the sugar.
  • Whisk the egg yolks with the other half.
  • Pour chocolate mixture over egg yolks and mix.
  • Add in egg whites and mix slowly and gently.
  • Mix in rice flour.
  • Butter and dust with rice flour a 20 cm cake mould.
  • Pour in the batter and bake at 180ºC for around 40 minutes. Allow to cool before serving.

Notes

  • It is important to use a good quality chocolate.
  • Don’t overcook so you get the gooey heart.

Leave a Comment

O teu enderezo electrónico non se publicará Os campos obrigatorios están marcados con *

*

Este sitio emprega Akismet para reducir o spam. Aprende como se procesan os datos dos teus comentarios.